Alfred Heizmann
Dr Alfred J. Heizmann (* 4.Jänner 1949 z Wurmlinga; † 30. Oktober 2017 z Niderzell[1][2]) isch e dytsche Lehrer, Mundartdichter un Faasnetsredner gsii.
Lääbe
ändereReligionslehrer
ändereDr Alfred Heizmann het zerscht as Boschtbott gschafft. Iber dr zweet Bildigswääg het er Religionspedagogik z Fryburg studiert un isch anne 1974 as kadolische Religionslehrer an d Wessenbergschuel Konschtanz im Konschtanzer Paradies chuu. Ab 1980 het er uf dr Insle Rychenau gläbt.[3] Är isch langjehrige Erschte Vorsitzer vu dr Mitarbaiterverdrättig (MAV) vu dr Religionslehrerne un Religionslehrer im Dienscht vu dr Erzdiözese Fryburg gsii. Dr Heizmann isch langi Johr Läkter am Konschtanzer Minschter un Mitglid vu Bfaargmairoot gsii. Uf dr Insle Rychenau het er si in chilchlige Projäkt un as Kommunionhälfer in St. Peter un Paul engaschiert, zletscht au fir Flichtling.[4]
Alemannische Faasneter
ändereDr Heizmann het as s wichtigscht Gsicht vu dr Konstanzer Fasnacht aus dem Konzil (Konschtanzer Färnsehfaasnet) gulte.[5] In syre aigene Aart isch er unter anderem as Määrliverzeller, „Bi-Ba-Butzemann“, Husmaischter, Pirat, Dorfschuellehrer, verhinderete Turischt un näärische Wiirt in dr schwebisch-alemannische Faasnet ufdrätte. Är isch Mitglid vu dr Naaregsellschaft Niderburg im Konschtanzer Viertel Niderburg un dert ab 1980 as Bittemereedner atkiv gsii.[4]
Autor un Mundartdiichter
ändereAb 1989 het er satirischi Bydreeg fir dr Siddytsch Rundfunk un ab 1998 fir dr Sidweschtrundfunk verfasst. Derzue het mer en au gchännt as Autor vu Lyrik, seealemannische Dialäktgedicht un Kabaretttäxt.[3][6] Är isch au e grfrogte Reedner un Referänt gsii.[4][7][8]
Privatlääbe
ändereDr Alfred Heizmann isch ghyroote gsii un het mit syre Frau Sonja zwai Chinder ghaa.[9]
Är het si fir Toleranz, Negschteliebi, Glychbhandlig un Friiden yygsetzt. Är het Humor un Karakter ghaa, isch e Rootgeeber gsii un het si fir anderi Mänschen yygsetzt.[10] Alfred Heizmann ich begrabe uf em Friedhof vu St. Peter und Paul in Reichenau-Niederzell.[11]
Schrifte
ändere- Aber hallo!: Alfred Heizmann hintergründig und schelmisch, Stadler Verlag Konstanz 1996, ISBN 3-7977-0366-X
- Der Kern des Pudels. Heitere Enthüllungen., Stadler Verlag Konstanz 2001, ISBN 3-7977-0464-X
Audio-Datei
ändere- Badnerglück & Schwabenstolz, Gälfiassler Records (Bogner Records) 2002 (CD)
Filme
ändere- Unsere Fasnachts-Stars – Alfred Heizmann aus Konstanz. Gezeigt in: SWR/SR, 12. Januar 2021, 22:30-23:00 Uhr.
Weblink
ändere- Alfred Heizmann als Närrischer Wirt bei Konstanzer Fasnacht aus dem Konzil 2017, (Video Datei, 20:33 min)
- Alfred Heizmann - Der Bildungstest bei der Konstanzer Fernsehfastnacht 2014, (Video Datei, 15:11 min)
Fueßnote
ändere- ↑ Aurelia Scherrer, Benjamin Brumm: „Konstanzer Fasnachts-Urgestein Alfred Heizmann verstorben“, Südkurier, 31. Oktober 2017
- ↑ Druuraazaig Alfred Heizmann (Memento vom 7. Novämber 2017 im Internet Archive), Südkurier, 2./3. Novämber 2017
- ↑ 3,0 3,1 Lutz Hagestedt: Deutsches Literatur-Lexikon. Das 20. Jahrhundert: Biographisch-Bibliographisches Handbuch. Band 16: Heinemann - Henz, Walter de Gruyter 2011, S. 228
- ↑ 4,0 4,1 4,2 Oliver Fiedler: „Trauer über plötzlichen Tod von Alfred Heizmann“, Singener Wochenblatt, 1. Novämber 2017
- ↑ Eberhard Wein: „Fernseh-Büttenredner Alfred Heizmann. Der Narr schießt Pegida auf den Mond“ (Memento vom 7. Novämber 2017 im Internet Archive), Stuttgarter Nachrichten, 12. Februar 2017
- ↑ Alfred Heizmann: D’ Reichenau im Herbscht bei alemannisch.de
- ↑ Heidi Wieland: Abschied nemme vum Alfred Heizmann. In: „Alemannisch dunkt üs guet“, Heft 2/2017, S. 68.
- ↑ Seealemanne - Nejigkeite. Humoristische Kulturgutpflege uf alemannisch.de
- ↑ Uli Fricker: „Zum Tode von Alfred Heizmann: Fasnacht als Bühne für Menschenfreundschaft“, Südkurier, 1. Novämber 2017
- ↑ Aurelia Scherrer: Der Mann mit dem großen Herzen. In: „Südkurier“, 2. Novämber 2017, S. 21.
- ↑ Unsere Fasnachts-Stars – Alfred Heizmann aus Konstanz. Gezeigt in: SWR/SR, 12. Januar 2021, 22:30-23:00 Uhr.
|
Dä Artikel basiert uff ere fräie Übersetzig vu dere Version vum Artikel „Alfred_Heizmann“ vu de dütsche Wikipedia. E Liste vu de Autore un Versione isch do z finde. |