Alfredo Bai

De Alfredo Bai (* 27. Novämber 1913 z Turin, † Juni 1980 z San Bernardino (Trana)) isch e idaliänische Bildhauer gsìì, wùù voor allem durch sinni Statue De Christus vùm Spìtze ùf em Monte Rosa ìn Erìnnerig blibbt.

Biographi

De Bai isch mìt de Rosina Bai verhürote gsìì, wùù-n-er z Turin känne glehrt hät ùn wùù ursprünglig vù Piombino (Ligurie) gsìì isch. Mìt ihre hät der di beide Sǜhn Annibale (* 1934) ùn Luigi ("Gigi", * 1941) ghaa. De Alfredo und d'Rosina Bai hän bis zùm Aafang vùm Zweite Wältchrieg ìm Arsenal z Turin gschafft.

De Bai isch e Antifaschist gsìì ùn hät sich ìm Val d'Intelvi (Como, nooch an de Gränze zù de Schwizz) bedeiligt, bìs de Chrieg fertig gsìì isch.

Ìm Juni 1980 isch er z San Bernardino, Trana, gstorbe.

Wichtigsti Werk

Erscht ìn de 50er-Johr hät de Bai ìn de Bildhaueräi eins vù sinne Begabige entdeckt hät. Di meiste vù sinne Werk stönn ìm Piemont:

• E Blakätte ùs Bronze, wùù an d'Opfer vùm Chrieg erìnnert. Si stoht voor em Iigang vù de Bräfektur z Turin ùf de Piazza Castello.
• De "Adler" (Id. L'aquila) ìm Stadtgarte vù Turin.
• D'Statue vùm San Bernardino da Siena, wùù an de Züefahrtsstrooß zù Siena stoht.
• E Büste vùm San Leonardo Murialdo ùf em Gipfel vù de Ciamarella (westligs Piemont, an de französische Gränze).

De Christus vùm Spìtze

Sälli Statue, zwifelloos di markantesti vùm Alfredo Bai, isch ùs Bronze ùn ǜber vier Meeter hooch. Si stoht ùf em Gipfel vùm Balmehorn (Monte Rosa) ùf 4167 Meeter. Ihr Bau goht drùf zrùck, dass de Bai als idaliänische Wìderstandschämpfer gschwore hät, ìm Fall vù me-ne gwùnnene Chrieg e Dänkmool an di Gfallene z errichte.

Wiil's keini geignete Fahrzügg gee hät zùm di ca. 100 Kilo Statue ùf de Gipfel ùfezdrage, sìn Alpiniste ùs ganz Idalie ussgwählt worre gò si dransportiere. Säll Undernämme isch ùf e breiti Resonanz gstoße ùn vù de Meedie mìt großem Indrässè verfolgt worre. An de Seegnigsfiir, wùù vùm dörtmolige Turiner Kardinal Maurilio Fossati organisiert worre isch ùn ùf em Blatz voor de Chirch Santuario della Consolata stattgfunde hät, hät's Dausendi Deilnämmer gee. Am 4. Septämber 1955 isch d'Statue iigweiht worre.

De Zwäck vù de Statue isch's, ùf eewig an di vergangene Chrieg z erìnnere ùn als Mahnig voor züechümftige z diene. Si soll s Zitat vùm Alfredo Bai au ìn Zitte vù Komflikt vergeegewärtige:

„La pace deve trionfare (de Frììde müeß/soll driumphiere).“

– Alfredo Bai

Wärk

• 
  "Christo delle Vette"
  Balmehorn
• 
  Sankt Leonardo Murialdo
  Uia di Ciamarella

Weblink

 Commons: Alfredo Bai – Sammlig vo Multimediadateie

Dä Artikel basiert uff ere fräie Übersetzig vu dere Version vum Artikel „Alfredo_Bai“ vu de italiänische Wikipedia. E Liste vu de Autore un Versione isch do z finde.