Andrea Schwarz

Dialäkt: Undermarkgreflerisch

D Andrea Schwarz (* 21. Septämber 1957 z Bforze) isch e dytschi Bolitikeri (Bindnis 90/Di Griene) un syt 2016 Mitglid vum Landdag vu Bade-Wirttebärg.

LääbeBearbeite

D Schwarz isch mit ere Schwester z Knittlinga im Enzchrais ufgwachse. Dert isch si au vu 1963 bis 1967 uf Grundschuel un vu 1967 bis 1973 uf d Realschuel gange. No dr Mittlere Ryfi het si vu 1973 bis 1976 ne Lehr zur medizinische Fachaagstellte gmacht.

Si het ghyrote un isch mit ihrem Mann uf Oberderdingen-Flehingen zoge. Si hän zäme drei Chinder iberchuu. Anne 2001 hän si si schaide loo un d Schwarz isch mit dr Chinder uf Oberderdingen zoge.

Vu 2011 bis 2016 het si fir dr Alexander Salomon as Wahlchraismitarbaiteri gschafft.

BolitikBearbeite

D Andrea Schwarz isch syter anne 1994 Mitglid bi dr Griene. Vu 1994 bis 2000 isch si Mitglid im Vorstand vu dr Griene z Oberderdingen gsii un vu 1998 bis 2010 Mitglid im Chraisvorstand vu dr Griene im Landchrais Charlsrue-Land. Vu 2011 bis 2015 isch d Schwarz Mitglid im Landesvorstand vu dr Griene z Bade-Wirttebärg gsii.

Ab 1999 isch si Gmaireeti z Oberderdingen gsii. No ihre Wahl in Landdag 2016 het si des Amt ufgee.

Bi dr Landdagswahl z Bade-Wirttebärg 2011 het si im Wahlchrais Bretten kandidert un bi dr Landdagswahl 2016 het si s Erschtmandat im Wahlchrais Bretten gwunne. Fir ihri Fraktion isch si Entwickligsbolitischi Sprächeri un Sprächeri fir Bevelkerigsschutz.

Im Landdag isch si Mitglid im Uusschuss fir Inners, Digitalisierig un Migration un im Uusschuss fir Europa un Internationals. Stellverdrättend Mitglid isch si im Ständigen Uusschuss, im Uusschuss fir Wirtschaft, Arbet un Wohnigsböu, im Uusschuss fir Sozials un Integration un im Uusschuss fir Ländlige Ruum un Verbruucherschutz. Derzue isch si Mitglid im Oberrhyroot.

Sunschtigs EngaschmäntBearbeite

  • Mitglid bi Greenpeace
  • Mitglid bi dr Flichtlingshilf

WeblinkBearbeite