Andreas Küttel

De Andreas Küttel (* 25. April 1979 in Einsiildle) isch en Schwyzer Skischpringer.

Er schpringt für de Skiclub Einsiidle. Dä Andreas Küttel wird trainiert vom Berni Schödler. Syt 1986 betriibt de Andreas Küttel s Skischpringe, i de Saison 1993/94 hät er sis Weltcup-Debüt gää. Bym Summer-Grand-Prix 2005 hät er in Bischofshofe (Öschteriich) sin erschti Siig chönne fiire. Sini persönlichi Beschtwiiti vo 222,5 Meter hät er 2006 bym Skiflüge in Planica (Slowenie) erreicht. Diä Längi isch demit gliichziitig Schwyzer Rekord. Sin Bruef isch Turn- und Sportlehrer, won er a de ETH Züri abgschlosse hät.

Sin erschti Weltcupsiig hät dä Andreas Küttel am 3. Dezember 2005 in Lillehammer chönne fiire. Er hät mit dä Längi vo 139 Meter glichziitig en nüe Schanzerekord chönne ufschtelle.

Weltcupsiig vom Andreas Küttel

Datum	Ort	Land
3. Dezember 2005	Lillehammer	Norwege
9. Dezember 2005	Harrachov	Tschechie
7. März 2006	Kuopio	Finnland
1. Januar 2007	Garmisch-Partenkirchen	Dütschland

Weblink

Commons: Andreas Küttel – Sammlig vo Multimediadateie

Andreas Küttel in dr Datebank vum Internationale Skiverband FIS (änglisch)
Andreas Küttel in dr Datebank vu Sports-Reference.com (änglisch)
Website vom Andreas Küttel
Skispringen.ch - Offizielli Schwyzer Skischprung Website

Dä Artikel basiert uff ere fräie Übersetzig vum Artikel „Andreas_Küttel“ vu de dütsche Wikipedia. E Liste vu de Autore un Versione isch do z finde.