Angelo Abisso

Dialäkt: Mìlhüüserisch

Dr Angelo Abisso (* 17. Janner 1883 z’ Sciacca, Sizilia; † 7. März 1950 z’ Rom) ìsch a itàlianischer Rachtsànwàlt, Schtààtsànwàlt un Politiker gsìì. Ìm Keenigraich Itàlia ìsch’r Àbgoordnet’r un Senàtoor gsìì.

si Laawa

Dr Abisso-n-ìsch ànna 1883 z’ Sciacca uf d’ Walt kumma, ìn dr Prowìnz vun Agrigento, wo-n-ìn dara Zitt „Prowìnz vu Girgenti“ ghaissa hàt. Ar hàt a Hoochschüalàbschluss vu Racht ìn dr Üniwärsiteet vu Neàpel bikumma. Ar ìsch z’äärscht Schtroofànwàlt gsìì, un drnooh Schtààtsànwàlt so wia Minìschteriàlbeàmter ìm Ìnnaminìschterium un ìm Minìschterium fìr dr Tìefbàui. Ànna 1913 hàt ma-n-ìhn ìn d’ Àbgoordnetakàmmer gwählt, ìm Wàhlbezirk vu Sciacca un Girgenti. Àm And vum Äärschta Waltkriag hàt’r ìn dr Prowìnz vun Agrigento Veraina vu Veteràner grìnda un hàt d’ Veteràner unterschtìtzt, wu sa vum Schtààt Groossgrundbsìtzer wälla bikumma han.^[1] Ìn da folgenda Wahl vu 1919 un 1924 ìsch’r nochamol àls Àbgoordnet’r gwählt worra.

Ìm Joohr 1929 hàt ma dr Abisso àls Senàtoor vum Keenigraich ärnännt. Dr Abisso-n-ìsch Befìrworter vu’ma àuitoritäära Schtààt gsìì un hàt d’ Ärìnnerung vum Francesco Crispi vertaidigt, em kràftvolla Presidànt vum Minìschterroot vum Keenigraich àm Ànd vum 19. Joohrhundert, wu-n-’r vun ainiga Lìnksabgoordnet’r kritisiart worra-n-ìsch. Dr Abisso hàt àui dr Àuitoritàrischmus befìrwortet, fìr d’ sizilànischa Mafia bekampfa. Ìm Gegasàtz züa-n-àndra Litt, wo gmaint han, àss d’ Mafia waga dr bsundera Wìrtschàftsschtrüktüür äntschtànda-n-ìsch, hàt dr Abisso sìe àls a Üüssdruck vu dr „gmaina Schtrooffällikait“ betràchtet un hàt ìm Reschiim siina Mààsnàhma (wia-n-ìm Prefäkt Cesare Mori si Iisàtz) unterschtìtzt.

Ìm Zwaita Waltkriag, wu dr Reschiim zammakäijt ìsch, hàt dr Obergerìchtshoof fìr d’ Schtroofmààsnàhma gega dr Fàschismus dr Abisso üss sim Àmt änthoowa. Noh-n-’ra Berüafung hàt àww’r dr Kàssàzioonsgrìchtshoof ìm folgenda Joohr dia Màssnàhm àls ungìltig ärkläärt. Trotzdam hàt dr Abisso s’ politischa Laawa fàralooh un ìsch ìn siina lätschta Laawesjoohra Ànwàlt ìm Kàssàzioonsgrìchtshoof gsìì. Gschtoorwa ìsch’r ànna 1950 z’ Rom, ìm Àlter vu 67 Joohra.

siina Veräffentlichunga

I consorzi amministrativi per opere pubbliche, Roma, Tipografia Iride, 1917.
Dal fascio parlamentare al partito nazionale fascista. Discorsi parlamentari, conferenze ed articoli, Roma, Società anonima poligrafica italiana, 1927.
Sulle Corti di assise e su altri problemi della giustizia penale. Discorso del senatore Angelo Abisso pronunciato nella seduta del 24 marzo 1933, Roma, Tipografia del Senato del dott. Giovanni Bardi, 1933.

d’ Üsszaichnunga, wo-n-’r bikumma hàt

17. März 1912: Rìtter vum Oorda vu dr Kroona vun Itàlia
22. Janner 1917: Komtüür vum Oorda vu dr Kroona vun Itàlia
17. Jüüli 1921: Komtüür vum Rìtteroorda vum hl. Mauriziüs un Làzàrüs

Lìteràtüür

Francesco Brancato: Angelo Abisso. In: Istituto dell'Enciclopedia Italiana (Hrsg.): Dizionario biografico degli italiani. Band 1. Rom 1960 (italienisch, treccani.it [abgerufen am 18. September 2021]).
Salvatore Sanfilippo: La storia parallela del deputato Abisso. In: La Repubblica. 9. Mai 2004 (italienisch, repubblica.it [abgerufen am 18. September 2021]).

Weblinks

Dr Angelo Abisso ìn dr Àbgoordneta-Dàtabànk vu dr Àbgoordneterkàmmer (itàlianisch)
Dr Angelo Abisso ìn dr Senàtoora-Dàtabànk vum Senàt vu dr Repüblik (itàlianisch)

Ainzelnohwiisa

↑ Salvatore Lupo: Il fascismo. La politica di un regime totaliario. Donzelli editore, Roma 2005, ISBN 88-7989-924-4, S. 50 (italienisch).

Dä Artikel basiert uff ere fräie Übersetzig vu dere Version vum Artikel „Angelo_Abisso“ vu de italiänische Wikipedia. E Liste vu de Autore un Versione isch do z finde.

[1] Salvatore Lupo: Il fascismo. La politica di un regime totaliario. Donzelli editore, Roma 2005, ISBN 88-7989-924-4, S. 50 (italienisch).

[1]