Antiochos vo Messenie

De Antiochos (altgriech. Ἀντίοχος; † 745 v. Chr.) isch de Soo vom messenischen König Phintas usem Gschlecht vo de Aipytide. Nochem Tood vo sim Vatter isch er zäme mit sim Brüeder Androkles König vo Messenie wore.

Nochem Pausanias isches zo Spanige mit Sparta choo, wo d Usliferig vom Olympiasiiger Polychares verlangte hett, well de us Raach för si Soo meriri Spartaner ermordet hett. Bi de Volksversammlig vo de Messenier hett de Antiochos geg d Usliferig plädiert, sii Brüder Androkles aber deför. Di zwoo Partaie sind anenand groote und de Androkles isch debii töödt wore. De Antiochos isch e paar Mönet spööter gstorbe und si Soo, de Euphaes isch König wore.

D Historizität vo de literarisch uusgschmückte Ereignis werd vo de Forschig kritisch biwertet und d Jooresaagoobe bim Pausanias wered as faltsch aglueget, und söttet öppe 40 Joor spööter agesetzt were.

Quellen

• Pausanias, Raise z Griecheland 4,4 f.

Literatur

• Nino Luraghi: The Ancient Messenians: Constructions of Ethnicity and Memory. Cambridge University Press, Cambridge/ New York 2008, ISBN 978-0-521-85587-7. S. 95f.