f

Apennin
Italia fisica appennini.png
Höchst Gipfel Corno Grande (2.912 m s.l.m.)
Lage Itaalie, San Marino
Koordinate 42° N, 14° OKoordinate: 42° N, 14° O
Typ Faltengebirge
Alter vom Gstei Alpidischi Orogenese

Dr Apennin (italiäänisch gli Appennini) isch e Gebirgszuug z Itaalie (und zu seer chliine Däil z San Marino), wo öbbe 1500 km lang isch. Er goot öbbe vo Nordweste uff Südoste dur e groosse Däil vom Staatsgebiet. oobe uf em Apennin isch d Hauptwasserschäide vo Itaalie. Er isch e Däil vom Alpiidische Gebirgssüsteem, wo vo vom Atlas im Weste über d Pürenääe, d Alpe, e Balkan, Himalaya bis zu de westlige Gebirg vo Indochina und Malaysia goot.

Dr LaufBearbeite

Dr Apennin foot im Nordweste vo Itaalie aa und bildet im Ligurische Apennin d Fortsetzig vo de Liguurische Alpe. D Gränze zwüsche de Alpe und em Apennin bildet dr Col di Cadibona (436 m). Von dört goot dr Apennin in Richdig Oste über die Apuanische Alpe bis zur Adriaküste, und denn uf Süüde, won er im im Abruzzische Apennin mit em Massiiv vom Gran Sasso d’Italia (2.912 m) si grössti Hööchi het.

Witer uf Süüde däilt sich dr Apennin in äinzelni chliineri Gebirgsdäil wie d Sila und dr Aspromonte uf und findet si Fortsetzig in de Gebirg vo Nordsizilie.

GstäiBearbeite

Dr Apennin isch en alpidischs Chettigebirg, wo si Uffaltig em Zämmebutsche vo dr Afrikaanische gegen die Öiraasischi Blatte verdankt. Er bestoot us Chalch, Dolomit, Sandstäi, Schiifer, Mergel und Doon, zum Däil au us eme kristalline Grundgebirg.

WeblinggBearbeite

  Commons: Apennin – Album mit Multimediadateie

  Wiktionary: Apennin – Wortherkunft, Synonym und Übersetzige