Arabischi Halbinsle

Die Arabischi Halbinsle (arabisch جزيرة العرب‎, DMG Ǧazīrat al-ʿArab), au Arabie, het e Flechi vo 2,73 Millione km² und isch die grössti Halbinsle uf dr Wält. Si lit uf dr Arabische Blatte und ghöört geologisch zu Afrika, geografisch wird si zu Asie zelt. Dr grösst Staat uf dr Halbinsle isch Saudi-Arabie.

Arabischi Halbinsle
Die Arabischi Halbinsle, Satellitebild
Geographische Lage
Koordinaten	25° N, 47° O24.6546.71
Gwässer 1	S Roote Meer, dr Golf vo Aden
Gwässer 2	Arabischs Meer, Persische Golf
Flechi	2.730.000 km²

Geografii

Die Arabisch Halbinsle wird begränzt vom Golf vo Akaba und em Roote Meer im Weste und Südweste, vom Arabische Meer im Süde und Südoste und vom Persische Golf im Nordoste. Si isch die grössti Halbinsle uf dr Wält, gröösser as d Westantarktis und Vorderindie und wird zu Südwestasie zelt, au wenn si geologisch e Däil vo Afrika isch. Zämme mit de Gebiet vo de Staate zringsume bildet si dr Nooch Oste.

Tektonisch gsee bildet d Halbinsle die Arabischi Blatte. Geologisch ghört si zur alte afrikanische Kontinentalmasse, au wenn si dur e Graabebruch vom Roote Meer vo dere drennt isch. D Halbinsle isch mit dr Groosse Nefud im Norde und dr Rub al-Chali im Süde fast vollständig Wüesti und ghöört zu de fümf grösste Wüestigebiet uf dr Wält.

Bevölkerig

Uf dr Arabische Halbinsle lääbe öbbe 60 Millione Lüt in acht Staate: Saudi-Arabie, Jemen und Oman im Süde, Kuwait, Katar und die Veräinigte Arabische Emirat im Oste. Im Norde lige Däil vo Jordanie und vom Irak uf dr Halbinsle. Bahrain lit uf ere Insle im Persische Golf, öbbe drissig Kilometer vom Festland äwäg.

Staate

Die Arabischi Halbinsle und d Region nääbedra; politischi Charte

Uf dr Arabische Halbinsle lige die hütige Staate Saudi-Arabie, im Süde Jemen und Oman und im Oste Kuwait, Katar und die Vereinigte Arabische Emiraat. Im Norde lige Däil vo Jordanie und em Irak uf dr Halbinsle. Vo deene Staate isch Saudi-Arabie dr Flechi nooch mit Abstand s grösste Land. Bahrain lit uf ere Inselgrubbe vor dr östlige Küste.

An d Region gränze im Weste Egüpte, im Norde Israel, dr Libanon und Sürie und im Oste dr Iran.

D Bevölkerig vo dr Halbinsle het 2020 mee as 80 Millioone Iiwooner zellt.

Weblingg

 Commons: Arabischi Halbinsle – Sammlig vo Multimediadateie

• Datebank vu Literatur zue dr gsellschaftliche, politische un wirtschaftliche Situation z Arabische Halbinsel

Fuessnoote

Dä Artikel basiert uff ere fräie Übersetzig vum Artikel „Arabische_Halbinsel“ vu de dütsche Wikipedia. E Liste vu de Autore un Versione isch do z finde.