Artur Doppelmayr

Dr Artur Doppelmayr (* 16. Septämber 1922 z Doarobiro; † 12. Mai 2017 z Kärnten) isch e eschtrychische Unternämer un Sailbahnpionier.

Lääbe

Dr Artur Doppelmayr isch anne 1922 z Doarobiro as Suhn vum Unternämer Emil Doppelmayr uf d Wält chuu. Sy Vater het zäme mit em Sepp Bildstein 1937 dr erscht Schliapflift z Zürs am Arlberg böue.

Im Johr 1954 het dr Artur Doppelmayr sy Abschluss as Diplom-Ingenieur an dr Tächnische Universitet Graz gmacht. 1967 isch er Gschäftsfierer vu dr Firma Konrad Doppelmayr & Sohn wore. Är het s Vorarlbärger Sailbahnunternäme, wu sy Großvater Konrad Doppelmayr anne 1893 grindet ghaa het, wytergfiert un het s zum Wältmäärtfierer. Anne 1973 het er di erscht kuppelbar Gondelbahn böue. 1994 isch er in dr Ufsichtsrot vu dr Doppelmayr Holding gwächslet. Näbe syne Laischtigen as Unternämer giltet dr Doppelmayr as Pionier un Vorbild in dr Globalisierig vun eme Induschtryunternäme.

Anne 1997 het er mit Uuszaichnig zum Dr. techn. an dr Tächnische Universitet Graz promoviert. In syre Dokterarbet het er bschribe, wie Sailbahnuufäll chenne vermyde wäre.

Dr Artur Doppelmayr het fimf Chinder ghaa, vier aigeni un e Adoptivdochter.

Uuszaichnige

• 1976: Titel „Ehresenator“ vu dr Tächnische Universitet Wien
• 1982: Groß Verdienschtzaiche vum Land Vorarlbärg
• 1984: Silbrig Ehrezaiche fir Verdienscht um d Republik Eschtrych
• Anne 1985 isch er zum finnische Honorarkonsul ernännt wore.
• 2001: Wilhelm-Exner-Medallie
• 2001: Beruefstitel «Professor»
• 2002: Guldi Ehrezaiche vum Land Kärnten
• Dezämber 2007: Groß Silbrig Ehrezaiche fir Verdienscht um d Republik Eschtrych
• Orden Erschter Klass vu dr Ritterschaft vu dr Finnische Wysse Rose, vu dr Republik Finnland.

Weblink

• Yydrag iber Artur Doppelmayr in dr Datebank vu dr Wilhelm-Exner-Medaillen-Stiftung.

Fueßnote

Dä Artikel basiert uff ere fräie Übersetzig vu dere Version vum Artikel „Artur_Doppelmayr“ vu de dütsche Wikipedia. E Liste vu de Autore un Versione isch do z finde.