D Schwiizer Autibahne

D Autibahne in dr Schwiiz wärde vom Bund, und in chliinerem Umfang vo einzelne Kantön bedriibe. S Autobahnnetz vo dr Schwiiz isch nit s Gliiche wie s Nationalstroossenetz – Färnstroosse, wo vom Bund bedriibe wärde und wo au Nitautibahne umfasst aber kantonali Autibahne nid iischliesst.

Befahrbarkeit

Autibahne döfe nume vo Motorfahrzüüg, won e Mindestgschwindigkeit vo 80 km/h (bis 2005 vo 60 km/h) erreiche, befahre wärde. S generelle Tempolimit lit sit em 1. Januar 1985 bi 120 km/h (vorhär 130 km/h), uf Stadtautobahne si Gschwindikeite zwüsche 60 und 100 km/h erlaubt. In de meiste Autibahndunnel isch d Höchstgschwindigkeit reduziert uf 80 oder 100 km/h. D Signalisationsdaafele bestöhn us wiisser Schrift uf grüenem Grund. D Nummerierig bestoht us wiisse Zahle uf rote Daafele.

En Abschnitt vo de Autobahn zwüsched Losann und Gämf

Im Gegesatz zu de Autostroosse sind d Autobahne richtigsgetrännt, mindistens zweispuurig und händ en Pannestreife. Es git au kä Chrützige, nu Ii- und Uusfahrte oder Verzwiigige. Vome Autobahnchrütz red me dänn, wänn zwei Autobahne mitenand esoo verbunde sind, as mer i vier Richtige cha fahre, wie zum Bispil s Limmettaler-Chrütz. Zwigt vonere Autobahn nu e anderi Linie ab, so isch da e Autobahndrüegg oder eifach e Verzwiigig, und da chunnt i de Schwiz am meiste vor.

Öpe e soo chan d Vignette för d Autobahn uusgseh

Vignette

In dr Schwiiz git s sit 1985 uf de meiste Autibahne und Autistroosse e Mautpflicht in dr Form von ere Johresvignette. Die isch für jewiils ei Kaländerjohr gültig, wobii si scho vom 1. Dezämber aa vo de neue Vignette abglöst wird, wo denn au gültig isch. Alti Vignette verliere ihri Gültigkeit jewiils am 31. Januar vom Johr druf, also noch 14 Mönet. D Choste stöhn zurzit (Stand: Dezember 2009) uf 40 Franke. Motorfahrzüüg mit eme Gsamtgwicht vo meh as 3.5 Donne bruuche kei Vignette für zum uf de Autibahne und Autistroosse z fahre, wil si dr leistigsabhängige Schwerverchehrsabgoob (LSVA) underlige.

Weblingg

Commons: Autobahne i de Schwiz – Sammlig vo Multimediadateie

Autibahne, Autistroosse und Hauptstroosse in dr Schwiiz

Hiiwiissignal «Autibahn»

Hiiwiissignal «Autistrooss»

Autibahne: • A1 • A2 • A3 • A4 • A5 • A6 • A7 • A8 • A9 • A12 • A13 • A14 • A16 • N28/A28 • A50 • A51 • A52 • A53

Hiiwiissignal «Hauptstrooss»

Autibahnzuebringer: • A 1a • A 1H • A 1L • A 1.1 • A 3W • A 4a • A 10 / T 10 • A 21 • A 25 • T 14

Hauptstroosse: • 1 • 2 • 2a • 2b • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30