Houptstrooss 28

D Houptstross 28 isch e wichtegi Strooss vo Liechteschtei und vom Bündnerland. Si goot us em Rhytaal über d Alpe bis zum Vinschgau.

Gschicht

Di alti Strooss vo Chur über d Luzisteig bi Fläsch, dur s Fürschtetum Liechteschtei und uf Fäldkirch het früener dr Name Düütschi Strooss gha. Ane 1786 isch si für Fahrzüüg usbout worde.

D Strooss durs Prättigau vo Landquart uf Davos het dr Kanton Graubünde i dr Middi vom 19. Joorhundert bout.

I de 1860er Joor isch d Fahrstrooss vo Davos übere Flüelapass verbesseret worde und bis 1872 au d Passstrooss übere Ofepass is Münschtertaal.

d Sunnibärgbrugg

Prättigauer Strooss

Dr Abschnidd vo Landquart durs Prättigau bis uf Chlooschtersch gilt als Nazionalstrooss und wird drum vo Bundesamt für Stroosse usboue. Die Strooss isch d Verbindig vo dr Autobahnusfahrt bi Landquart is Feriegebiet vo Chlooschtersch und Davos und zum Verladebaanhof vo Chlooschtersch-Selfranga, wome d Auto ufe Zug vo dr Rhätische Baan cha verlade zum dure Vereinadunnel is Engadin z goo. Dr Vrcheer durs Dunäll het ane 2000 agfange.

Bi Landquart und im Prättigau het d Strooss es baar grossi neui Bouwärch übercho:

d Umfahrig vo Landquart
s Dunäll i dr Chluus, under dr Burgruyne Fracschtei, vor Seewis-Pardisla
d Brugg über d Landquart bi Schiers.
zwöi Brugge bi Lunde
s Chübliser Dunäll under em Tobel vom Schanielabach, wo ane 2016 uufggangen isch^[1]
s Saaserdunäll, uuftoo ane 2011^[2]
d Sunnibärgbrugg über d Landquart, wo dr Bouingeniöör Christian Menn planet het, ane 2005 uuftoo^[3]
s Gotschnadunäll, wo 4,2 Kilometr läng isch
dr Autoverlad Selfranga

Weblink

Commons: Hauptstrasse 28 – Sammlig vo Multimediadateie

Fuessnnoote

↑ Eröffnung Umfahrung Küblis Mediemiteilig uf gr.ch vom 28. Juni 2016
↑ Bundesrätin Leuthard eröffnet langersehnte Umfahrung Saas Artikel uf aargauerzeitung.ch vom 21. Oktober 2011
↑ Dialma Jakob Bänziger: Faszination Brückenbau – Balance zwischen Gestaltung und Wirtschaftlichkeit. In: Franz Betschon (u. a.): Ingenieure bauen die Schweiz – Technikgeschichte aus erster Hand, Züri 2013, S. 207–218.

Autibahne, Autistroosse und Hauptstroosse in dr Schwiiz

Hiiwiissignal «Autibahn»

Hiiwiissignal «Autistrooss»

Autibahne: • A1 • A2 • A3 • A4 • A5 • A6 • A7 • A8 • A9 • A12 • A13 • A14 • A16 • N28/A28 • A50 • A51 • A52 • A53

Hiiwiissignal «Hauptstrooss»

Autibahnzuebringer: • A 1a • A 1H • A 1L • A 1.1 • A 3W • A 4a • A 10 / T 10 • A 21 • A 25 • T 14

Hauptstroosse: • 1 • 2 • 2a • 2b • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30

[1] Eröffnung Umfahrung Küblis Mediemiteilig uf gr.ch vom 28. Juni 2016

[2] Bundesrätin Leuthard eröffnet langersehnte Umfahrung Saas Artikel uf aargauerzeitung.ch vom 21. Oktober 2011

[3] Dialma Jakob Bänziger: Faszination Brückenbau – Balance zwischen Gestaltung und Wirtschaftlichkeit. In: Franz Betschon (u. a.): Ingenieure bauen die Schweiz – Technikgeschichte aus erster Hand, Züri 2013, S. 207–218.

[1]

[2]

[3]