Avraham Burg

Dr Avraham Burg (Hebräisch: אברהם בורג; Ruefname (jiddisch): Avrum; * 19. Januar 1955 z Jerusalem) isch en israelische Politiker, Schriftsteller und Gschäftsmaa. Er isch der Sohn vom Josef Burg, eme Minister für die Nationalreligiösi Partei in mehrere israelische Regierige.

Avraham Burg

Dr Burg isch in lingge Organisatione wie Peace Now aktiv. 1985 isch er Beroter vom Premierminister Shimon Peres gsi, 1988 isch er für d Arbeitspartei in d Knesset gwehlt worde.

1995 isch er zum Vorsitzende vo der Jewish Agency und der World Zionist Organization ernennt und het siis Knesset-Mandat niidergleit. Er het vo de Banke, vor allem de schwiizerische, verlangt, ass si Liste mit de Konte us dr Vorchriegsziit, wo Jude ghört hai, wurde veröffentlige, so dass d Erbe an ihr Gäld chönne cho.

1999 bis afangs 2003 isch dr Burg Sprächer vo der Knesset gsi. In dere Funktion het er vom 12. Juli bis 1. August 2000 as provisorische Präsident vo Israel gfungiert. 2001 het er für e Vorsitz vo der Arbeitspartei kandidiert, isch aber nit gwehlt worde.

En Artikel vom Burg im Guardian mit em Titel The end of Zionism het im Oktober 2003 Ufsehen erregt. 2004 het er sich us em öffentlige Läbe zruggzoge. Im ene Interview für die israelisch Dagesziitig Haaretz im Juni 2007 het er e Reihe vo Kärnthese vom Zionismus in Frog gstellt.

Dr Burg isch verhürotet mit dr Yael, ere Psychologin und Direktorin von ere Mittelschuel z Jerusalem. D Burgs hai sächs Chinder und läbe z Nataf bi Jerusalem.

Schrifte

• Hitler besiegen: Warum Israel sich endlich vom Holocaust lösen muss. Frankfurt am Main/New York: Campus, 2009, ISBN 3593390566

Weblingg

• Ari Shavit interviewt Avraham Burg: Das zionistische Ghetto verlassen (haGalil.com, 23. Juli 2007)
• Ludwig Watzal: Avraham Burg spricht von Nitroglyzerin (Freitag.de, 29. Juni 2007)
• Avraham Burg: There's room for hope (Ha’aretz, 14. November 2003)
• Avraham Burg: Anger and faith An open letter to my Palestinian friends (International Herald Tribune, 4. Oktober 2003)
• Avraham Burg: The end of Zionism? A failed Israeli society is collapsing (International Herald Tribune, 6. September 2003)
• Ari Shavit: On the eve of destruction (Ha’aretz, 14. November 2003)

Dä Artikel basiert uff ere fräie Übersetzig vum Artikel „Avraham_Burg“ vu de dütsche Wikipedia. E Liste vu de Autore un Versione isch do z finde.