Badischer Landwirtschaftlicher Hauptverband

Dr Baadisch Landwiirtschaftli Hauptverband (abchiirzt BLHV) isch Dachverband, wu z Siidbaade d Inträsse vu dr Buure im Haupt- un Nääbenerwäärb verdrätte duet un oordeli Mitgliid im Dytsche Buureverband isch. Är isch in dr Räächtsfoorm vun eme yydraite Verain organisiert. Dienschtsitz vum Verband isch Fryburg.[1]

Badischer Landwirtschaftlicher Hauptverband e.V.
(BLHV)
Zwäck: Beruefsständischi Inträsseverdrättig vu dr Buure z Siidbaade
Vorsitz: Werner Räpple (Bresidänt)
Gründigsdatum: 1946
Mitgliiderzaal: 17.700
Sitz: Fryburg
Website: www.blhv.de
Zäntraale z Fryburg

Laitbild ändere

Dr BLHV setzt si fir e familieeri Buurewiirtschaft yy. Im Laitbild wiird di bsunder Vyylfalt vu dr Landwiirtschaft z Siidbaade rusghoobe. Dr BLHV stoot fir e regionaale Dachverband, wu alli Buure mit ire verschiidenen Bedriibstype un Produkzioonsriichtige will verdrätte. D Mitgliider vum BLHV steen zäme fir e aktiivi demokraatische Willesbildig un e gmainsaami Inträssesbolitik. En eerenamtligi un demokraatischi Fierigsstruktuur solle dooderfiir di stabiil Grundlaag bilde.[2]

Gschiicht ändere

D Grindig vu dr Buureverbänd im hitige Baade-Wiirttebäärg stoot in ängem Zämehang mit dr Ufdailig vu dr Länder Baade, Wiirttebäärg un Hauezollre in zwoo Bsatzigszoone.

Scho am 29. Mai 1946 het z Siidbaade dr Grindigsuusschuss fir dr Baadisch Landwiirtschaftli Hauptverband (BLHV) daagt, am 18. Novämber vum nämlige Joor isch d Grindigsversammlig gsii. Där Verband het si mieße uf dr siidli Dail vu Baade bschränke, wel Noordbaade aber au Noordwiirttebäärg Dail vu dr amerikaanische Bsatzigszoone gsii sin. Siidwiirttebäärg un Hauezollre sin unter franzeesischer Verwaltig gstalte.

Im Mai 1989 hän d Delegierte vum Nordwiirttebäärg-baadische Verbande un vum Siidwiirttebäärgische Buureverband z Ulm d Fusioon vu dr beede Verbänd bschlosse. As Hauptsitz isch d Landeshauptstadt Stuegert bstimmt woore. Dr BLHV het dergeege entschiide em Landesbuureverband z Baade-Wiirttebäärg byyzdrätte un duet alsfurt d Buure im Regierigsbeziirk Siidbaade verdrätte. Di 1948 vum BLHV grindet Baadisch Buureschuel isch anne 2004 wider zuegmacht woore.

Anne 2014 het dr Verband in sy nei Verwaltigsgebei näb em Staatlige Wyyböuinschtitut Fryburg im Stadtdail Wieri chenne yyzie. S viersteckig Gebei isch ab em Chäller ganz us Schwaarzwälder Rootdanne- un Wyssdanneholz gmacht, wu dur vorghänkti Glaasschaale gschitzt wiird. In däm no Passivhuusstandard böuene Hiuus mit ere Photovoltaikaalaag un ere Weermibumpi schaffe rund 100 Lyt.

Eerige ändere

Im Aadänke an dr Grindigs- un speeter Eerebresidänt Lambert Schill verleit dr Baadisch Landwiirtschaftli Hauptverband syter anne 1991 d Lambert-Schill-Medaille an maximaal siibe lääbigi verdienti Lyt.[3]

  • 2016 Karl Rombach, Viizebresidänt vum BLHV (2003–2015)[4]
  • 2005 Erwin Teufel, Minischterbresidänt vu Baade-Wiirttebäärg (1991–2005)
  • 2004 Wendelin Ruf, BLHV-Bresidänt (1991–2003) un BLHV-Eerebresidänt
  • 1995 Hans Griesser, BLHV-Vorstandsmitgliid (1983–1994)
  • 1995 Stefan Gutmann, BLHV-Hauptgschäftsfierer (1982 –1994)
  • 1995 Martin Wentz, BLHV-Viizebresidänt (1973–1994)
  • 1991 Ludger Reddemann, BLHV-Bresidänt (1984–1991) un Staatssekreteer (1991–1996)

Weblink ändere

Fueßnote ändere

  1. Hauptgeschäftsstelle des BLHV
  2. Leitbild des BLHV
  3. Lyt, wu dr Lambert-Schill-Medaille iberchuu hän
  4. Karl Rombach mit der Lambert-Schill-Medaille ausgezeichnet
  Dä Artikel basiert uff ere fräie Übersetzig vu dere Version vum Artikel „Badischer_Landwirtschaftlicher_Hauptverband“ vu de dütsche Wikipedia. E Liste vu de Autore un Versione isch do z finde.