Barbara Horlacher

D Barbara Horlacher (* 12. Jänner 1971 uf em Bözbrg) isch e Schwiizer Umwältnaturwüsseschaftlerin und Politikerin. Si isch Stadtamme vo Brugg.

s Läbe und s Schaffe

D Barbara Horlacher isch in ere Familie vo Bözbrg zäme mit ere Schwöschter ufgwachse und dört id Primarschuel und derno z Brugg id Bezirksschuel ggange. A dr Alte Kanti z Aarau het si d Matuur gmacht und isch a dr ETH Züri go Umwältnaturwüsseschaft studiere. Si het no es Nochdiplomstudioum i dr Wirtschaft gmacht.

D Horlacher het in Firmene und bi öffentleche Verwaltige gschaffet. Sid ane 2014 isch si d Läiterin vo dr Umwältabdeilig vom Flughafe Basel-Milhuuse.

i dr Politik

Sit ane 2010 d Gmeind Umike mit Brugg zämegleit worden isch, wohnt d Barbara Horlacher i dr Stadt. Si isch denn grad für di Grüene in Ywoonerroot gwählt worde. Si isch im Verwaltigsroot vo de Industrielle Betriib Brugg.

Am 26. Novämber 2017 isch d Barbara Horlacher vo de Brugger und Bruggerinne mit grossem Vorsprung vor em andere Kandidat zu dr nöie Frau Stadtamme gwäält worde. Si isch i däm Ampt d Nochfolgerin vom Daniel Moser vo dr FDP.

Weblink

• d Websyte vo dr Barbara Horlacher
• d Barbara Horlacher uf dr Websyte vo dr Stadt Brugg