Umike

Umike isch es Dorf, e ehemoligi Gmeind und hütt en Ortsdeil vo dr Stadt Brugg im Aargau.

Umiken
S Wappe vo Umiken
Basisdatä
Staat:	Schwiiz
Kanton:	Aargau (AG)
Bezirk:	Brugg
Gmeind	Brugg
PLZ	5222
Koordinate:	656676 / 25940247.482948.19058357
Höchi:	357 m ü. M.
Flächi:	0,8 km²
Iiwohner:	1069 (31. Dez. 2009)
Charte
Charte vo Umiken ww

Geografii

Umike lyt uf dr lingge Syte vo dr Aare am Jurasüdfuess. Es isch amene Saddel vo dr Landschaft zwüsche de Höger vom Bözbrg und em Bruggerbärg. Durs Dorf goot d Kantonsstrooss vo Brugg übere Bözbrg is Frickdaal und uf Basel. Bi Umike stygt d Ysebaanlinie vom Boge uff em grosse Viadukt über d Aare em Bärg no gäge Weschte zum Bözbrgdunnel.

• 
  vorn isch s Dorf Umike, hindedra d Stadt Brugg (ane 1958)

Gschicht

Umike oder besser gseit d Dorfchile, wo vor dr Refermazion s Patrozinium vom heilige Mauritius gha het, isch ane 1254 s erschte Mol imene Dokumänt erwäänt. Zu dr refermierte Chilegmeind Umike ghöre au Rinike und Vilnachere. S Pfarrhuus isch us dr Middi vom 18. Joorhundert. I dr Chile isch e schöne Bildzyklus vom Chünschtler Felix Hoffmann (1911–1975) z gseh. D Glasmoolerei vo de drüü Pfäischter zeige dr Jesaia, s Oobemohl und d Uuferstehig.

Ane 1827 het s Dorf Umike scho e chlyne Deil vo sym Bann dr Stadt Brugg abträtte; das isch d Parzälle mit dr Müli oben a dr Aare gsi.

D Gmeind Umike isch uf Afang 2010 zu dr Stadt Brugg cho. I dr Abstimmig vom 27. Juni 2008 hend d Umiker d Gmeindfusion aagnoo und am 28. Septämber 2008 dä Entscheid nomol, und zwar mit em Adeil vo Jo-Stimme vo 86 Prozänt, bestätiget.

Wappe

S Wappe vo Umike mit eme Löi und eme Chleeblatt isch ane 1947 vo dr Gmeindversamlig nach eme nöje Entwurf aagnoo worde. S eltere, vierdeilte Wappe isch us sächs verschidene Elemänt zämegsetzt gsi; es isch uf dr Brunnesüüle vom alte Dorfbrunne no erhalte.

Bevölkerig

Bevölkerigsentwicklig

Johr	1764	1831	1850	1900	1950	1990	2000	2009
Iiwohner	143	218	216	234	467	855	1041	1054

Weblink

 Commons: Umiken – Sammlig vo Multimediadateie

• Felix Müller: Umike. In: Historisches Lexikon vo dr Schwiiz.