Oberflachs isch en ehemoligi Iiwohnergmeind im Bezirk Brugg im Schwiizer Kanton Aargau. Si het uf de 1. Jänner 2014 mit de Gmeind Schinznach-Dorf fusioniert. Die noi Gmeind heisst Schinznach. S Dorf ligt im Schenkebärgertal.

Oberflachs
S Wappe vo Oberflachs
S Wappe vo Oberflachs
Basisdatä
Staat: Schwiiz
Kanton: Aargau (AG)
Bezirk: Bruggw
Gmeind Schinznach
PLZ 5108
Koordinate: 652295 / 254927Koordinate: 47° 26′ 35″ N, 8° 7′ 55″ O; CH1903: 652295 / 254927
Höchi: 401 m ü. M.
Flächi: 3,38 km²
Iiwohner: 456 (31. Dezember 2013)[1]
Oberflachs
Oberflachs

Oberflachs

Charte
Charte vo Oberflachs
Charte vo Oberflachs
w

Geographii ändere

De Gmeindsbann het e Flächi vo 338 Hektare, dodervo sind 127 Hektare Wald und 30 Hektare überbaut. Di höchschti Stell isch uf 770 Meter, di tüfschti uf 395 m ü. M.

Gschicht ändere

 
Kastle und Oberflachs

S erschti Mol taucht Obernflacht in ere Urkund us em Johr 1301 uf. S Dorf isch aber sicher e chli älter, Scho im 1238 sind d Schenke vo Kastle gnennt, wo Vasalle vo de Kyburger gsi sind. D Burg Kastle hets also scho in dere Ziit gäh. Im 1262 isch uf em gliiche Hubel, uf dem Kastle stoht, d Burg Rucheschtei bauet worde. Im 1264i, wo d Kyburger usgschtorbe sind, hei d Habsburger d Landesherrschaft übernoh. Im 1311 hei d Herr vo Mülinen s Dorf und di beide Burge chauft und d Herrschaft Kastle gründt. Im Johr 1460 hei d Bärner s Schänkebärgertal eroberet und d Landesherrschaft übernoh. D Herre vo Mülinen hei aber ihri aagschtammte Rächt, wi zum Bischpil s Nidergricht chönne bhalte. D Reformation isch, wi überall z Bärn, im 1528i iigführt worde. Im 1631i het de Johann Ludwig von Erlach d Herrschaft Kastle chauft. Woo d Burg Rucheschtei im 1642 abbrönnt isch, het de Johann Ludwig von Erlach d Burg Kastle zu eme Schloss la umbaue. Im 1732 het d Schtadt Bärn d Herrschaft Kastle chauft und im Schloss de Sitz vo de chlinschte Landvogtei vom Bärner Aargau iigricht. Im März 1798 sin d Franzose in d Schwiiz iimarschiirt und hei di Helvetisch Republik usgruefe. Oberflachs ghört sither zum Kanton Aargau.

Literatur ändere

  • Felix Müller: Oberflachs In: Historisches Lexikon vo dr Schwiiz.
  • Michael Stettler, Emil Maurer: Die Kunstdenkmäler des Kantons Aargau. Band II: Die Bezirke Brugg, Lenzburg. (= Kunstdenkmäler der Schweiz. Band 29). Hrsg. von der Gesellschaft für Schweizerische Kunstgeschichte GSK. Bern 1953.

Weblink ändere

  Commons: Oberflachs – Sammlig vo Multimediadateie
  • Oberflachs under Gschicht uf de Website vo de Gmeind Schinznach

Fuessnoote ändere

  1. Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)