Villige
Villige (amtlich Villigen) isch en Iiwohnergmeind im Bezirk Brugg im Schwiizer Kanton Aargau. S Dorf ligt am Fuess vom Geissbärg. De Ortsteil Stilli ligt an de Aare.
| Villigen | |
|---|---|
 | |
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Brugg |
| BFS-Nr.: | 4121 |
| Poschtleitzahl: | 5234 Villigen 5233 Stilli |
| Koordinate: | 658591 / 264560 |
| Höchi: | 367 m ü. M. |
| Flächi: | 11,21 km² |
| Iiwohner: | 2179 (31. Dezämber 2022)[1] |
| Website: | www.villigen.ch |
| Charte | |
 | |
Geographii
ändereDe Gmeindsbann het e Flächi vo 1121 Hektare, dodervo sind 550 Hektare Wald und 151 Hektare überbaut. Di höchschti Stell isch uf 700 Meter, di tüfschti uf 325 Meter a de Aare.
Gschicht
ändere
S erschti Mol taucht Villige wege de Erwähnig vom Heinricus de Viligen in ere Urkund uf, wo us em Johr 1247 isch. Im Mittelalter isch s Dorf en Teil vom Dinghof Rei gsi u het zum Chloschter Murbach im Elsass ghört. Landesherre sind d Habsburger gsi. De Dinghof het verschidnigi Rächt i de nöchere Umgebig gha un isch im 1291i a d Habsburger verkauft worde. D Agnes von Ungarn het dann im 1345i de Bsitz em Chloschter Wittiche im Schwarzwald gschenkt. Im 1458i het me d Weide vo Stilli us Villige useglöst und die Gränze sind bis zum End vom Johr 2005 d Gmeindsgränze zwüsche Villige und Stilli blibe. Im Johr 1460 hei d Bärner Villige eroberet, wobi d Rächt vom Chloschter Wittiche witerhin Bstand hei gha. Villige isch en Teil vom Grichtsbezirk Böze vom Amt Schänkebärg worde und ab em 1566, wo Bärn s Gricht vo Bözbärg teilt het, sind d Verhandlige z Stilli gsi. D Reformation isch, wi überall z Bärn, im 1528i iigführt worde. S Chloschter het dann im 1544 sini Rächt an Villige an d Hallwyler verchauft, wo si schpöter an d Stadt Brugg und d Bärner verchauft hei.
Im März 1798 sin d Franzose in d Schwiiz iimarschiirt und hei di Helvetisch Republik usgruefe. Villige ghört sither zum Kanton Aargau.
Weblink
ändere
Commons: Villige – Sammlig vo Multimediadateie- Di offizielli Website vo de Gmeind Villige
- Felix Müller: Villigen In: Historisches Lexikon vo dr Schwiiz.
Fuessnote
ändere- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
