Schärz AG

S AG im Lemma isch s offiziell Chürzel vom Kanton Aargau und wird bruucht, zum Verwächslige mit Yträäg vom Name Scherz vermyde, wo öppis anders meined.

Schärz isch es Dorf im Bezirk Brugg im Schwiizer Kanton Aargau. S ghört zu Lupfig und isch bis zum 31. Dezämber 2017 en eigeständigi Iiwohnergmeind gsii.

Scherz
S Wappe vo Scherz
Basisdatä
Staat:	Schwiiz
Kanton:	Aargau (AG)
Bezirk:	Bruggw
Gmeind	Lupfig
PLZ	5246
Koordinate:	656375 / 25558247.448618.186113403
Höchi:	403 m ü. M.
Flächi:	3,30 km²
Iiwohner:	587 (31. Dezember 2017)
Schärz, vo de Habsburg uus glueget Schärz, vo de Habsburg uus glueget
Charte
Charte vo Scherz w

Geographii

S Dorf liggt in ere Mulde am weschtliche Rand vom flache Birrfeld. Gäge Norde i Richtig Habsburg stiigt d Äbeni liecht aa. Die weschtlichi Gmeindsgrenze verlauft en ere Gländekante entlang wo wiit über em Aaretal liggt. Im Südweschte liit de 508 Meter höchi Scherzberg, wo im Süde in Cheschteberg übergat, en Usläufer vom Faltejura. Durs Dorf verlauft de Scherzbach, wo zwei ehemaligi Mühleweiher schpiist und ab de Industrii z Lupfig Süessbach gheisst. Dä fliesst witer über Huse uf Windisch und mündet z Brugg i d Aare.

De Gmeindsbann het e Flächi vo 330 Hektare, dodervo sind 110 Hektare Wald und 39 Hektare überbaut. Di höchschti Stell vom ehemalige Gmeindsgebiet isch uf 541 Meter en namelose Gipfel zwüsch em Cheschteberg und em Scherzberg, di tüfschti uf 387 m ü. M. bi de öschtliche Gmeindsgrenze. Nachbargmeinde sind gsi Habsburg im Norde, Huse im Nordoschte, Lupfig im Oschte, Holderbank im Süde und Schinznach-Bad im Weschte.

Gschicht

im Dorfzäntrum vo Schärz

S erschti Mol taucht Shernitz in ere Urkund us em Johr 1240 uf. S Dorf het im Mittelalter zum Eigeamt vo de Habsburger ghört und isch en Teil vo ihrem ältischte Bsitz gsi. Im 1397 hei d Habsburger de Bsitz em Chloschter Königsfälde gschenkt. Im Johr 1415 hei d Bärner de Aargau eroberet und s Dorf isch en Teil vom Bärner Underaargau worde. D Reformation isch, wi überall z Bärn, im 1528i iigführt worde und s Chloschter ufghobe. Zur Verwaltig vom ehemolige Chloschterbsitz het Bärn d Landvogtei Königsfälde gründt.

Im März 1798 sin d Franzose in d Schwiiz iimarschiirt un hei di Helvetisch Republik usgruefe. Schärz ghört sither zum Kanton Aargau.

Per 1. Jänner 2018 isch Schärz mit Lupfig fusioniert worde.

Weblink

 Commons: Schärz – Sammlig vo Multimediadateie

• Gemeinde Scherz under Gschicht uf de Website vo de Gmeind Lupfig]
• Felix Müller: Scherz. In: Historisches Lexikon vo dr Schwiiz.