Houderbank (offiziell Holderbank) isch e Gmeind ganz im Norde vom Bezirk Länzbig im Kanton Aargau.

Holderbank
Wappe vo Holderbank
Basisdate
Staat: Schwiiz
Kanton: Aargau (AG)
Bezirk: Länzbigw
BFS-Nr.: 4199i1f3f4
Poschtleitzahl: 5113
Koordinate: 654938 / 25365247.431388.16682365Koordinate 47° 25′ 53″ N, 8° 10′ 1″ O; CH1903: 654938 / 253652
Höchi: 365 m ü. M.
Flächi: 2.33 km²
Iiwohner: 1377 (31. Dezämber 2019)[1]
Website: www.holderbank.ch
d Chile vo Houderbank

d Chile vo Houderbank

Charte
HallwilerseeKanton LozärnKanton SoledurnBezirk AarauBezirk BadeBezirk BrämgarteBezirk BruggBezirk KulmBezirk MuriBezirk LaufeburgBezirk ZofigeAmmerswilBoniswilBruneggDintikonEgliswilFahrwangenHallwilHendschikenHolderbank AGHunzenschwilLenzburgMeisterschwandenMöriken-WildeggNiederlenzOthmarsingenRupperswilSchafisheimSeengenSeonStaufen AGCharte vo Holderbank
Iber des Bild
w

WappeBearbeite

S Gmeindwappe zeigt e Holderbusch mit wysse Blüete über ere wysse runde Bank. Das Wappebild isch erscht im 19. Joorhundert mit ere falsche Erklärig vom Name für s Gmeindsigel gmacht worde. Dr Ortsname, wo s erschte Mol ane 1259 in ere Urkunde vo de Grafe vo Habsburg gnännt wird, isch zämegsetzt us de althochdütsche Wörter holuntar und wang. wang bedütet es abheltigs Gländ, also en Hang. Us de alte Namensforme wie Halderwange (1259) und Halderwanch (1273) isch vil spöter im Sproochgebruuch ebe Holderbank und Houderbank worde.

GeografiiBearbeite

D Gmeind liit uf dr rächte Syte vo dr Aare am westleche Abhang vom Cheschtebärg, em ene Hügel vom Jura, underhalb vo Wildegg. Di andere Nochbergmeinde sind Schinznach, Brugg, Lupfig und Välte.

Der Aare noo goot dur s Dorf Houderbank d Strooss vo Aarau und Länzbrg uf Brugg, und grad näbedra isch d Ysebaan vo Bärn über Aarau und Brugg uf Bade und Züri.

Oben em Dorf liit d Siidlig Chärnebärg. Dr südlechscht Punkt vom Gmeinbann isch a dr Muur vom Schloss Wildegg.

WirtschaftBearbeite

Ane 1912 isch im Schache a dr Aare d Zimäntfabrigg vo Houderbank gründet worde, wo hüt zu dr Wältfirma LafargeHolcim ghört. Im Biet Weid und under em Meieriisligroot het d Fabrigg grossi Schteibrüch gha, zum Chalch und Mergel z gwünne. D Produkzion het z Houderbank ab 1975 ufghört, wo d Holcim z Räkige und z Würelinge neui Fabrigge bout het. Über d Brugg, wo für s lange Förderband vo de Schteibrüüch z Välte über d Aare bout worden isch, goot e Fuessstäg, wo noch politische Diskussione und mit Gäld vom ene crowdfunding-Projäkt wider gflickt wird.[2]

WeblinkBearbeite

FuessnooteBearbeite

  1. Kantonale Bevölkerungsstatistik 2019. Departement Finanzen und Ressourcen, Statistik Aargau, 30. März 2020, abgerufen am 2. April 2019.
  2. Erfolgreiche Sammlung: Wiedereröffnung des Aarestegs gesichert. uf aargauerzeitung.ch