Mäisterschwande

Mäisterschwande (amtlich Meisterschwanden) isch e Gmeind im Bezirk Länzbrg im Kanton Aargau.

Mäisterschwande
Wappe vo Mäisterschwande
Basisdate
Staat:	Schwiiz
Kanton:	Aargau (AG)
Bezirk:	Länzbrgw
BFS-Nr.:	4202i1f3f4
Poschtleitzahl:	5616
UN/LOCODE:	CH MWA
Koordinate:	659784 / 23852347.294898.22903505
Höchi:	505 m ü. M.
Flächi:	6.86 km²
Iiwohner:	3266 (31. Dezämber 2022)
Website:	www.meisterschwanden.ch
Mäisterschwande Mäisterschwande
Charte
Charte vo Mäisterschwande w

Geografy

S Dorf lyt im Seetal am Ostufer vom Hallwilersee. Dr Dorfbach goot durs Hungertaal und s Tobel bis an See abe. Am Ufer vom See sind d Schiffstazione bim Gaschthof Delphyn und bim Gaschthof Seerose, wo au d Badi vo Mäisterschwande isch. S Dorf Tennwyl lyt ei Kilometer nördlech vo Mäisterschwande und ghört sid em Joor 1899 au zu dr Gmeind Mäisterschwande. Z Tennwyl isch s Arbeiterstrandbad.

D Nochbergmeinde vo Mäisterschwande sind Seenge, Faarwange, Beibel, Birrwil und Boniswil.

Gschicht

S erschte Mol isch Mäisterschwande ane 1173 als Meistersvanc gnännt worde. Dozmol isch s grosse Erb vo de Grafe vo Länzbrg verdeilt worde und Mäisterschwande isch zu de Grafe von Kyburg cho.

Ane 1916 isch d Ysebaanstreki vo Woole uf Mäisterschwande ufggange, wo 1997 dur ne Busbetriib vo dr BDWM ersetzt worden isch.

Seekultur

Näbe de andere Badine am Hallwilersee gits au no bi Tennwil s alte «Arbeiterstrandbad» mit em Zältplatz und em Bootshafe. Wo ane 1935 dr Veräin Arbeiterstrandbad gründet worden isch, het das als neue Schritt vo dr Arbeiterbewegig im Aargau gulte. No im glyche Joor het me am See die Badi als Projäkt vo der sozialdemokratische Kultur ygweit. D Arbeiter sind vo wythär am Wuchenändi mid em Welo uf Tennwil ggange zum d Zyt am See z erläbe. Vo Arbeitervereine sind i dr Badi Wettkämpf duregfüert worde. Hüt isch s Strandbad e Stiftig.

D Schifffaartsgsellschaft vom Hallwilersee, wo ane 1888 als Tampfschiffgsellschaft vom Hallwylersee gründet worden isch, het iri Basis mit ere eigene Wärchstatt z Mäisterschwande. Agfange het d Gsellschaft mit Tampfschiff und scho vo 1910 a het si uf Motorschiff gwächslet. Denn het si es Schiff vom Bodesee gchauft, d «Bayern», wo ufem Hallwilersee dr Name «Hallwyl» übercho het. D Schifffaartsgsellschaft het jetz (2023) föif Schiff:

• s Motorschiff Breschtebärg vo 1990
• s Motorschiff Seetaal vo 2010
• s Motorschiff Delphin vo 2018
• s Motorschiff Hallwil vo 1977
• s Motorschiff Seerose vo 1998

Literatur

• Felix Müller: Meisterschwanden In: Historisches Lexikon vo dr Schwiiz..
• Felix Müller: Tennwil. In: Historisches Lexikon vo dr Schwiiz..

Weblink

•  Commons: Meisterschwanden – Sammlig vo Multimediadateie
• Website vo dr Gmeind Mäisterschwande