UN/LOCODE

UN/LOCODE (änglisch United Nations Code for Trade and Transport Locations) isch e Kood für geografischi Ort, wo vo dr Wirtschaftskommission für Öiropa (UNECE), ere Underorganisazioon vo de Veräinte Nazioone (UNO), entwicklet und aktualisiert wird.

D Grundlaage

Mee as 42'000 Ortsnääme vo Ort, wo für d Wirtschaft und dr Vercheer bedütend si, bsundrigs vo Ort mit Seehääfe, Flughääfe (in däm Fall isch d Abchürzig im Allgemäine idäntisch mit em IATA-Code), Bahnhööf, Chnootepünkt für Färnstroosse und Gränzübergäng in 235 Länder het mä e Kood zuegordnet.

UN/LOCODE bestöön tüpischerwiise us 5 Buechstaabe. Die erste bäide Buechstaabe si dr Länderkood noch ISO 3166-1 alpha-2. Dr Ort innerhalb vom Land wird im Allgemäine mit drei witere Buechstaabe aagee, wenn aber die mööglige Kombinazioone nit länge, chönne au Ziffere verwändet wärde.

Dr UN/LOCODE definiert au e Schriibwiis vom Ortsnaame in latiinische Buechstaabe und mäistens in ere nazionale Sprooch ooni Diakritika (z. B. die dütsche Umlut).^[1]

Bischbil

LOCODE	Land	Ort	mit Diakritika
AT VIE	Flagge Österreichs	Wien
BE BRU	Flagge Belgiens	Brussel	Brüssel
CH BRN	Flagge der Schweiz	Bern
DE BER	Flagge Deutschlands	Berlin
LI VDZ	Flagge Liechtensteins	Vaduz
LU LUX	Flagge Luxemburgs	Luxemburg
NL AMS	Flagge der Niederlanden	Amsterdam
SE BAS	Flagge Schwedens	Bastad	Båstad
SE GOT	Flagge Schwedens	Goteborg	Göteborg
US NYC		New York City

E Liste vo de Länderkood cha mä in dr ISO-3166-1-Kodierliste aaluege.

Verwändig

Dr UN/LOCODE verbräitet sich immer mee.

In dr Schifffahrt

D International Maritime Organization (IMO) empfiilt 2005 d Verwändig vo UN/LOCODE innerhalb vom Automatische Identifikazionssüsteem AIS.^[2]

Sidder wird dr LOCODE uf dr ganze Wält im AIS-Vercheer brucht, für dass es bi dr Beschriibig vom Abgangsort und vom Bestimmigsort vom ene Schiff und sinere Laadig nid zu Verwäggslige chunnt.

Weblingg

Offizielli Website vo dr Wirtschaftskommission für Europa – UN/LOCODE (änglisch)
Suechliste für UN/LOCODE, Wirtschaftskommission für Europa (änglisch)

Fuessnoote

↑ Secretariat Note to the users of UN/LOCODE 2006-2 (Änglisch, pdf) United Nations Economic Commission for Europe. 30. April 2007. Abgrüeft am 25. Juni 2009: „[...] two columns are provided for place names, one reflecting national name versions, with diacritic signs, and one in which diacritic signs have been removed from the names.“
↑ Guidance on the use of the UN/LOCODE in the destination field in AIS messages (Englisch, pdf) International Maritime Organization. 15. Dezember 2004. Archiviert vom Original am 28. Juni 2007. Abgrüeft am 25. Juni 2009: „The Maritime Safety Committee, [...] encouraged the use of the UN/LOCODE.“

Dä Artikel basiert uff ere fräie Übersetzig vum Artikel „UN/LOCODE“ vu de dütsche Wikipedia. E Liste vu de Autore un Versione isch do z finde.

[1] Secretariat Note to the users of UN/LOCODE 2006-2 (Änglisch, pdf) United Nations Economic Commission for Europe. 30. April 2007. Abgrüeft am 25. Juni 2009: „[...] two columns are provided for place names, one reflecting national name versions, with diacritic signs, and one in which diacritic signs have been removed from the names.“

[2] Guidance on the use of the UN/LOCODE in the destination field in AIS messages (Englisch, pdf) International Maritime Organization. 15. Dezember 2004. Archiviert vom Original am 28. Juni 2007. Abgrüeft am 25. Juni 2009: „The Maritime Safety Committee, [...] encouraged the use of the UN/LOCODE.“

[1]

[2]