Hottel
Hottel isch es Dorf und e ehemoligi Iiwohnergmeind im Kanton Aargau. Bis Ändi 2009 het s Dorf zum Bezirk Brugg ghört und sit de Fusion mit Mätteb, Wil, Ätzge und Oberhofe zu de Gmeind Mettauertal ghört Hottel zum Bezirk Laufeburg.
Geographii Bearbeite
De Gmeindsbann het e Flächi vo 416 Hektare gha, dodervo sind 163 Hektare Wald und 18 Hektare überbaut gsi. Di höchscht Stell isch uf 649 Meter gsi, di tüfschti uf 395 Meter.
Gschicht Bearbeite
S erscht Mol taucht Hotiwilare in ere Urkund us em Johr 1150 uf. Im Mittelalter sind Wessebärger Grundbsitzer z Hottel gsi und s Dorf het zum habsburgische Amt Waldshuet ghört. Im 1316 hei d Habsburger d Landesherrschaft an d Wessebärger verpfändet und di hei in de Folg us de Dörfer Mandach und Hottel es chlises unabhängigs Territorium chönne schaffe. Im 1468 hei d Bärner in de Folg vom Waldshueterchrieg d Herrschaft Wessebärg eroberet und Hottel em Amt Schänkebärg iiglideret. Zämme mit Mandach het Hottel de Grichtsbezirk Wessebärg bildet. D Reformation isch, wi überall z Bärn, im 1528i iigführt worde.
Im März 1798 sin d Franzose in d Schwiiz iimarschiirt und hei di Helvetisch Republik usgruefe. Hottel ghört sither zum Kanton Aargau und het mit de Gmeindsfusion vo 2009/2010 de Bezirk gwächslet.
Weblink Bearbeite
- Felix Müller: Hottwil. In: Historisches Lexikon vo dr Schwiiz.
- Hottel uf mettauertal.ch
Fuessnoote Bearbeite
- ↑ Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)