Bezerk Brogg

en Bezerk im Aargau
(Witergleitet vun Brugg (Bezirk))
Bezirk Brugg
Bezirk Brugg
Basisdate
Staat: SchweizSchweiz Schwiiz
Kanton: Aargau (AG)
Hauptort: Brogg
BFS-Nummere: 1904
Flechi: 145,11 km²
Höchi: 325–800 m ü. M.
Iiwohner: 50'308[1] (31. Dezämber 2020)
Bevölkerigsdichti:
Charte
Charte vo Bezirk Brugg
Dialäkt: Aargauerdüütsch

De Bezerk Brogg esch en Bezerk vom Kanton Aargau. Er het sech bis Ändi 2021 us de ehemalige Ämter Bözberg, Schänkebärg ond em Äigeamt, was öppe im Gebiet bäidsyts vom Bözberg, vom Gäissbärg ond s Birrfeld zwösche Aare ond Rüss omfasst, zammegsetzt. Aafangs 2022 hend di ehemols selbständige Gmeinde Böze, Effige und Elfige mit de Gmeind Hornusse us em Bezirk Laufeburg zu de Gmeind Böztal fusioniert und ghöred sither nöm zum Bezirk Brugg. En Täil vom hötige Bezerk Brogg liegd nördlech vo de Aare im Aargauer Jura, werend de südlech zom Mettelland ghört. Hauptort vom Bezerk esch d Stadt Brogg. Det isch s Bezirksamt gsii, wo uf Endi 2012 ufghobe worden isch.[2] De Bezerk Brogg het früener föif Fridesrichterchrais gha.[3] Jetzt sind all die Chreis im Fridesrichteramt Bezirk Brugg zämegfasst.[4] De Bezerk Brogg omfasst 24 Gmäinde, esch 145,11 km² gross ond zelt öpe 50'800 Ywohner.

IiwohnergmäindeBearbeite

s Wappe de Name vo de Gmäind d Iiwohner
(31. Dezember 2020)
d Flechi
i km²
  Gaueschtei 1613 5.68
  Birr 4598 5.05
  Birret 742 3.00
  Bözberg 1663 15.50
  Brugg 12'738 8.26
  Hapschberg 428 2.23
  Huse 3734 3.20
  Lupfig 3157 8.45
  Mandech 325 5.54
  Müendel 393 3.94
  Mülige 1074 3.16
  Rèmige 1326 7.87
  Rinike 1482 4.76
  Rüfenach 863 4.17
  Schinznach 2319 12.24
  Tale 820 9.92
  Välte 1526 5.24
  Vilige 2120 11.21
  Vellnachere 1654 5.75
  Windisch 7733 4.91
Total (20) 50'308 130.08

Veränderige im Bestand vo de GmäindeBearbeite

  • 1938: Namesänderig vo Birrenlauf → Schinznach Bad
  • 1938: Namesänderig vo Schinznach → Schinznach Dorf
  • Met Wörkig of de 1. Januar 2006 send d Gmäinde Stelli ond Velige zor Gmäind Velige zämegschlosse worde.

WeblinkBearbeite

  Commons: Bezerk Brogg – Sammlig vo Multimediadateie

FuessnooteBearbeite

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2020. Bei späteren Gemeindefusionen Einwohnerzahlen aufgrund Stand 2020 zusammengefasst. Abruf am 17. November 2021
  2. Bezirksamt Brugg (Memento vom 5. Juni 2017 im Internet Archive) im Online-Inventar vom Staatsarchiv Aargau uf ag.ch
  3. de ehmolig Webuftritt vom Bezirksamt Brogg (Memento vom 31. Juli 2011 im Internet Archive)
  4. Friedensrichterkreise, Kreis VIII (Site cha nüme abgrüeft wärde; Suche im Webarchiv)[1] [2] Vorlage:Toter Link/www.ag.ch uf ag.ch abgruefen am 25. Dezember 2019