Barbara Saebel
| Dialäkt: Undermarkgreflerisch |
D Barbara Saebel (* 5. Merz 1959 z Oscht-Berlin) isch e dytschi Bolitikeri (Bindnis 90/Di Griene) un syt 2016 Mitglid vum Landdag vu Bade-Wirttebärg.
Lääbe ändere
D Barbara Saebel isch in dr DDR ufgwachse. Vu 1965 bis 1975 isch si z Oschtberlin uf di Polytechnisch Oberschuel gange, wu si 1975 di Mittler Ryfi gmachthet. Vu 1975 bis 1977 het si ne Lehr zur Chauffrau gmacht un derno vu 1977 bis 1989 as chaufmännischi Aagstellti gschafft. Anne 1989 isch si us dr DDR gflichtet un uf Bade-Wirttebärg gange. Dert het si vu 1990 bis 1992 as Verdriibsmanageri gschafft un vu 1992 bis 1994 Bedriibswirtschaft studiert. Anne 1994 het si ne Dochter iberchuu un isch bis 1997 in Elterezyt gsii. Ab 1997 het si as Beroteri in dr Wohnigswirtschaft gschafft.
D Saebel isch evangelisch un het e Dochter (* 1994).
Bolitik ändere
Anne 1990 isch d Saebel Mitglid bi dr Griene wore. Ab 1999 isch si z Ettlinge Gmaireeti gsii un ab 2004 Vorsitzeri vu dr griene Fraktion im Gmairoot. No ihre Wahl in Landdag het si die Ämter ufgee.
Bi dr Landdagswahl 2016 het si s Erschtmandat im Wahlchrais Ettlinge gwunne. Im Landdag isch si Mitglid im Uusschuss fir Finanze, im Uusschuss fir Europa un Internationals un im Oberrhyroot. Derzue isch si stellverdrättend Mitglid im Uusschuss fir Kultus, Juged un Sport, im Uusschuss fir Soziales und Integration, im Uusschuss fir Ländlige Ruum un Verbruucherschutz, im Uusschuss fir Verchehr un im Untersuechigsuusschuss „Zulagen Ludwigsburg“.
D Saebel isch Sprächeri vu ihre Fraktion fir di Staatlige Schlesser un Gärte Bade-Wirttebärg.
Sunschtig Engaschmänt ändere
- Mitglid vum Ufsichtsrot vu dr Baden-Württemberg Stiftung gGmbH.
- 2009 bis 2014 Mitglid vum Ufsichtsrot vu dr Stadtwerke Ettlingen GmbH
- 2014 bis 2016 Mitglid vum Ufsichtsrot vu dr Stadtbau Ettlingen GmbH.
- Mitglid vum Verwaltigsrot vum Badische Staatstheater Karlsruhe
- Stellverdrättendi Vorsitzeri vu dr Europa-Union Deutschland, Ortsverband Albgau
- Mitglid im Bund für Umwelt und Naturschutz Deutschland (BUND)
- Mitglid im Dytsche Rote Chryz
- Mitglid im Tierschutzverein Ettlingen