Die Batavischi Republik

Die Batavischi Republik (niiderl.: Bataafse Republiek) isch e Dochderrepublik vo dr revolutionäre Französische Republik gsi, wo vo 1795 bis 1806 existiert het.

Charte vo de Departements vo dr Batavische Republik 1798, grau si Gebiet, wo 1795 an Frankriich abdräte worde si

Fahne vo dr Batavische Republik in zitgenössische Darstellige

Im Winter 1794/95 het Frankriich d Republik vo de Siibe Vereinigte Niiderlande eroberet. Die holländische Exilante, wo in de 1780er Johr us de Niiderlande gflüchtet und mit de französische Druppe zruggcho si, hai die alti Republik ufglöst und die Batavischi Republik drus bildet, wo am 19. Januar 1795 proklamiert worden isch. Am 5. Juni 1806 isch si ins Königriich Holland umgwandlet worde.

D Bezeichnig vo dr Republik as „batavisch“ het sich noch em domolige Ziitgeist am Name vom antike Volk vo de Bataver orientiert.