Benedikt VII.

Dr Benedikt VII. (* z Rom; † 10. Juli 983 ebedert) isch vu 974 bis 983 Papscht gsii.

Papst Benedict VII., Fantasiidarstellig in dr Chilche Sankt Paul vor dr Muure z Rom

Är isch dr Suhn vum Deodat gsii un dodermit e Änkel vum Alberich II. vu Spoleto un e Näffe vum Johannes XII.. Är isch dr viert Papscht us em Gschlächt vu dr Grofe vu Tusculum gsii.

Dr Benedikt isch Bischof vu Sutri gsii un isch anne 974 Noofolger vum Benedikt VI. wore, wu vum Gegepapscht Bonifatius VII. umbrocht woren isch. Är isch uf Dränge vum Otto II. gwehlt wore, wu dr Bonifatius VII. vor em uf Byzanz gflichtet isch. Dr Benedikt het d Missionierig vu dr Slawe un Chilchereform gferderet. Unter em Yyfluss vum Chloschter Cluny het er die innerchilchli Reform duregfiert un het unter anderem dr Verchauf vu chilchlige Ämter (Simoni) verdammt. Är isch am 10. Juli 983 gstorben un in dr Chilche zum hl. Chryz vu Jerusalem z Rom begrabe wore.

Literatur

• Friedrich Wilhelm Bautz: Benedikt VII.. In: Biographisch-Bibliographisches Kirchenlexikon (BBKL). Band 1, Hamm 1975, Sp. 483–484.
• Rudolf Schieffer: Benedikt VII. In: Lexikon des Mittelalters (LexMA). Band 1, Artemis & Winkler, Münche/Züri 1980, ISBN 3-7608-8901-8, Sp. 1859.
• Ytrag in d Catholic Encyclopedia, Robert Appleton Company, New York 1913 (änglisch)

Weblink

 Commons: Benedikt VII. – Sammlig vo Multimediadateie

Anmerkungen

Vorgänger Benedikt VI.

Papscht 974–983

Nochfolger Johannes XIV.

Dä Artikel basiert uff ere fräie Übersetzig vu dere Version vum Artikel „Benedikt_VII.“ vu de dütsche Wikipedia. E Liste vu de Autore un Versione isch do z finde.