Custos0

Salü Custos, i begrüess dich härzlich uf dr alemannischi Wikipedia. Dyni Ändrig Handhabung > Handhabig hanni wiider ruggängig gmacht; des isch nüt bös gmeint aber i däm Teil vum Niideralemannische wo de Artikel drin gschrybe isch seit mer tätsächlig -ung, nüt wie im Hochalemannische -ig. Do Oberrotweil#Dr_Rothwiiler_Dial.C3.A4kt chasch meh drüber läse. Wenn git's de erscht Artikel vo dir? --Chlämens 15:27, 1. Mär. 2007 (CET)

Sali Custos, willkumme bi uns! Ich bi e Liäbhaber vum Hochalemannische (un allene andere alemannische Diaklätspiilarte) un mir gfallt -ig - wäge däm schriibis aü in mänke Artikel, drotz ass mir des küüm sage (lueg do drzue aü mii Benutzersitte). Des -ig isch, wiä dr Chlämens richtig sait, nit iberal verbreitet: nit im Großdeil vum Elsiss, nit im Schwebische, im Badische goht -ig am Kaiserstuehl am witschte no Norde (Klausmann, 1985, Kart 115); in dr Schwiz heißts noch em SDS Band III., Kart 163 im Kanton Schaffhuuse Ziting, Rächnig; im Kanton Friiburg, im Weschte vum Bärnbiät, im Wallis un z.T. im Bindner Land heißts meischtens Zitung, Rächnung - diä Kart isch vor 1959 erhobe wore - ka sii, ass sich hit d Schwizer Mehrheitsform derte meh durgsetzt het. I bi wäge Diinere Korrektür nit bes - i will numme sage, ass mer im Zwiifelsfall liäber erscht emol froge sott. Zum Umgang mit andere Dialäktspiilarte lueg aü Wikipedia:Artikel#Froge un Antworte zum Dialäkt. Unser Minimalkonsenz in sprochlige Sache findsch do: WP:WSIGA.

Suscht si mir arg froh iber sprochbewussti Lit. Mir hoffe uf viil Artikel un Biiträg vu Dir! --Albärt 22:54, 1. Mär. 2007 (CET)

Gruess ich, und merci für Euri Erklärige. I ha do ne bitz schnell gschosse am Aafang. I ha in de Zwüscheziit a paar guti Syte gläse, und verstand a weng besser wie's be Euch lauft. I merk, dass i überhaupt kei Ahnig ha, wien'i mi Dialekt schriibe sott. Des würd gwiis no interessant.

Chlämens, i bi au im Uusland sit a paar Johre scho und studiir in Boulder, CO. So ne bitzele Heimweh isch do auf Eure Syte scho ufko. Mol luuge, ob i ne paar Artikel über Colorado zstand bring.

Merci, nomol. Custos0 23:20, 1. Mär. 2007 (CET)

Beginne eine Diskussion mit Custos0

Auf den Diskussionsseiten wird diskutiert, wie man Wikipedia-Inhalte verbessern kann. Starte eine neue Diskussion, um dich mit Custos0 in Verbindung zu setzen und zusammenzuarbeiten. Diskussionsseiten sind öffentlich und für alle einsehbar.

Eine Diskussion beginnen