Bertha vu Dibenga
| Dialäkt: Undermarkgreflerisch |
D Bertha vu Dibenga († 24. Februar 1169) isch Markgrefi vu Bade un Verona gsi.
D Bertha isch d Dochter gsi vum Pfalzgrof Ludwig vu Dibenga. Si het vor 1162 dr Markgrof Hermann IV. vu Bade ghyrote. Us däre Eh sin sächs Chinder fiirigange, Hermann V., Markgrof vu Bade († 16. Jänner 1243), Heinrich I., Markgrof vu Bade-Susebärg († 2. Juli 1231), wu mit de Agnes verhyrootet gsi isch, Friedrich (* um 1167; † 1217 gfalle), wu Mitregänt gsi isch, d Jutta, d Bertha und d Gertrud († vor 1225), wo de Albrecht II., Grof vu Egisheim un Dagsburg († 1211) ghyrote het.
Ihre Mann Hermann IV. isch Deilnämmer am Dritte Chryzzug gsi und isch anne 1190 z Antiochia gfalle.
No ihrem Dod isch d Bertha vu Dibenga in dr Grablegi vu dr Markgrofe vu Bade begrabe wore, im Augustiner-Koorherrestift St. Pancratius z Bagene.