Bilkay Öney
| Dialäkt: Undermarkgreflerisch |
D Bilkay Öney (* 23. Juni 1970 z Malatya, Tirkei) isch e dytschi Bolitikeri, wu us dr Tirkei stammt. D Öney isch in dr Bartei Bindnis 90/Di Griene aktiv gsii un isch anne 2009 in d SPD iberdrätte. Vu Septämber 2006 bis Mai 2009 isch si Integrationsbolitischi Sprächeri vu Bindnis 90/Di Griene im Abgordnetehuus vu Berlin gsii.[1] Vu Mai 2011 bis Mai 2016 isch si Landesminischteri fir Integration vum Land Bade-Wirttebärg gsii.
Läbe un Beruef
ändereUusbildig
ändereD Bilkay Öney het syt 1973 z Berlin gläbt. An dr TU Berlin het si Bedribswirtschaftslehr un Medieberotig studiert. Derno het d Öney zerscht as Bankaagstellti gschafft un isch derno zum staatlige tirkische Färnsehsänder TRT gwägslet. Dert het si as Redaktionsassischtänti, derno as Assischtänti vu dr Gschäftsfierig un as Redakteuri un Moderatori gschafft, bis sie am 17. Septämber 2006 in s Berliner Abgordnetehuus gwehlt woren isch. Zytwys isch si au d Prässesprächeri vum Bidligswwärch Kreuzberg (BWK) gsii.
Engaschmänt
ändereSpeter isch si dr vum Cem Özdemir anne 1994[2] mitgrindete[3] Initiative ImmiGrün - Bündnis der neuen InländerInnen byydrätte, wu dr Griene noostoht un wu si Sprächeri dervu gsii isch.[4]
Bolitik
ändere.jpg)
D Bilkay Öney isch bis zum 12. Mai 2009 Mitglid vu dr Griene gsii. Uf Blatz drei vu dr Landeslischte Berlin isch im Septämber 2006 in s Abgordnetehuus vu Berlin yyzoge. D Öney isch zue dr integrationsbolitische Sprächeri vu dr Griene gwehlt wore un isch Mitglid vum Inneuusschuss un vum Uusschuss fir Integration, Arbet un Sozials gsii. Am 15. Mai 2009 isch d Öney us dr Bartei Bindnis 90/Di Griene uus- un in d SPD yydrätte.[5] Syterhär isch si as Mitglid vu dr SPD-Fraktion Mitglid gsii vum Inneuusschuss vum Berliner Abgordnetehuus un vum Uusschuss fir Verfassigsschutz. Zue dr Wahl zum Berliner Abgordnetehuus 2011 hätt si as SPD-Spitzekandidati im Bezirk Mitti uf Lischteblatz ais sotte kandidiere.[6]
Am 12. Mai 2011 isch d Bilkay Öney as Minischteri fir Integration vu Bade-Wirttebärg im grien-rote Kabinett vum Winfried Kretschmann veraidigt wore.[7][8]
Si isch fir e Chopfduechverbot im effetlige Dienscht yydrätte.[9] In ihre Aigeschaft as Landesminischteri fir Integration het si ne neji Debatte iber s Chopfduechverbot gforderet. „Früher habe ich gesagt, das Neutralitätsgebot des Staates ist sehr wichtig. Als Integrationsministerin muss ich nun dafür Sorge tragen, dass sich auch die Musliminnen integrieren. Es ist eine Abwägungsfrage.“[10]
Mitglidschafte un Uuszaichnige
ändere- German-American-Young-Leader vu dr Atlantik-Brücke e. V. (2003)
- World-Young-Business-Achiever (WYBA), Finalischti Dytschland (2003)
- Mitglid vu dr Bundesversammlig bi dr Wahl vum Bundesbresidänt Horst Köhler (2004)
- European-Young-Leader vu dr Atlantik-Brücke e. V. (2005)
- German-Israeli-Young-Leader vu dr Bertelsmann-Stiftig (2008)
- Marshall-Memorial-Fellow vum German Marshall Fund (2009)
- Bund deutscher PfadfinderInnen e. V.
- Mitglid im Byyrot vu Türkiyemspor Berlin
- Sprächeri vu ImmiGrün Berlin (bis Mai 2009)
Fueßnote
ändere- ↑ Sabine Beikler, Ulrich Zawatka-Gerlach: Übertritt: Grün war die Hoffnung. In: Der Tagesspiegel, 13. Mai 2009, abgruefen am 6. Oktober 2011
- ↑ immigruen-berlin.de
- ↑ Einfluß mit Immi-Grün Der Spiegel, 1. Juli 1996. Abgruefen am 22. Septämber 2011
- ↑ http://www.immigruen-berlin.de/pages/kontakt.html Homepage vu dr ImmiGrün Berlin]
- ↑ Paul Nellen: Zu gut für die Grünen - die Abgeordnete Bilkay Öney. In: Die Achse des Guten, 13. Mai 2009, abgruefen am 6. Oktober 2011
- ↑ mitte.spd-berlin.de. Archiviert vom Original am 9. September 2011; abgruefen am 11. November 2011.
- ↑ Die Ministerin. Archivlink (Memento vom 1. Novämber 2011 im Internet Archive) Minischterium fir Integration Bade-Wirttebärg, abgruefen am 6. Oktober 2011
- ↑ Moritz Schuller: Kontrapunkt: Bilkay Öney - die Alibiministerin. In: Der Tagesspiegel, 4. Mai 2011, abgruefen am 6. Oktober 2011
- ↑ Transkript vum SPD.de-Expertechat mit dr Bilkay Öney un em Rüdiger Veit am 26. Septämber 2010. Archivlink (Memento vom 5. März 2016 im Internet Archive) uf spd.de, abgruefen am 6. Oktober 2011
- ↑ Ministerin fordert neue Debatte über Kopftuchverbot Focus Online, 9. Septämber 2011. Abgruefen am 5. Oktober 2011
Weblinks
ändere
Commons: Bilkay Öney – Sammlig vo Multimediadateie- Websyte vu dr Bilkay Öney
- Internetsyte vum Minischteriums fir Integration Bade-Wirttebärg (Site cha nüme abgrüeft wärde; Suche im Webarchiv)
- D Bilkay Öney uf dr Syte vum Berliner Abgordnetehuus (Site cha nüme abgrüeft wärde; Suche im Webarchiv)
|
Dä Artikel basiert uff ere fräie Übersetzig vum Artikel „Bilkay_Öney“ vu de dütsche Wikipedia. E Liste vu de Autore un Versione isch do z finde. |