Bloieli

Blaumaisli
Blaumaise (Cyanistes caeruleus)
Systematik
Chlass: Vögel (Aves) Ordnig: Spatzevögel (Passeriformes) Underordnig: Singvögel (Passeri) Familie: Maise (Paridae) Gattig: Cyanistes Art: Blaumaisli
Wüsseschaftlige Name
Cyanistes caeruleus
Linnaeus, 1758

S Bloieli oder s Blaumaisli (Parus caeruleus; alemanischi Näme) isch e Singvogel, wo s ganze Joor dore i Mitteleuropa vorchunnt. I de Alpe chas bis 2'200 m ü. M. biobachtet were.

Aili vo Blaumaisli

Uussie

S Bloieli isch e bunte Vogel. S het e blaui Chappe, blaui Flögel und e blaue Schwanz. De Chopf isch wiiss mit eme dünne schwarze Straiffe öber de Auge ine und e dünne schwarze Bruststraiffe. D Brust selber isch geel, de Rugge grüe. Bloieli wered 10 bis 12 cm grooss, hend e Spannwiiti vo 17 bis 20 cm und wöget 9 bis 12 Gramm.

Lebeswiis

S Bloieli lebt i Laub- und Mischwälder und au i Auewälder, Pärk und Gärte. Sis Nest bauts us Grääshälm und Mies i Bommhöölene, Murlöcher oder Vogelhüsli, und polsterets mit Federe, Hoor und Wulen uus. Bloieli fresset Insekte, Spinne, Söömli, Beeri, Chnospe und Blüete. Im Winter chunnts as Fuetterhüsli.

Büecher

• U. N. Glutz von Blotzheim, K. M. Bauer: Handbuch der Vögel Mitteleuropas (HBV). Band 13/I, Muscicapidae – Paridae. AULA-Verlag, Wiebelsheim, ISBN 3-923527-00-4
• Manfred Föger, Karin Pegoraro: Die Blaumeise. Neue Brehm Bücherei, Hohenwarsleben 2004, ISBN 3-89432-862-2
• Josep del Hoyo et al.: Handbook of the Birds of the World (HBW), Band 12: Picathartes to Tits and Chickadees. Lynx Edicions, Barcelona 2007, ISBN 84-96553-42-6
• Jochen Hölzinger: Die Vögel Baden-Württembergs. Band 3/2, Singvögel/Sperlingsvögel. Eugen Ulmer Verlag, Stuttgart 1997, ISBN 3-8001-3483-7
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010, ISBN 978-3-258-07561-7
• Heinz Staffelbach: Handbuch Schweizer Alpen. Bern 2008, ISBN 978-3-258-06895-4

Weblink

 Commons: Bloieli – Sammlig vo Multimediadateie

• Iitrag bi de Schwizerische Vogelwarte
• Video, Foto und Tonufnahme zue Cyanistes caeruleus in dr Internet Bird Collection
• Parus caeruleus in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 12. November 2008
• Javier Blasco-Zumeta & Gerd-Michael Heinze: Alters- und Gschlechtsmerkmol (PDF; 2.3 MB)
• Federe vom Bloieli
• ä Vogelhisli fir Maise baue