Alemannische Wikipedia

Boeing 737

e Flugzügreie vo Boeing
Dialäkt: Bärndütsch

D Boeing 737 vom US-amerikanische Flugzüüghärsteller Boeing isch di meischte boueni Familie vo strahlbetriibene Verchehrsflugzüüg.[1] Der als Schmalrumpfflugzüüg usgleite Flugzüügtyp, wird mittlerwile i der dritte u vierte Generation parallel boue. Über di ganzi Zyt het sech ds üssere Erschynigsbild vom Flugzüüg chumm veränderet. Ursprünglech isch es als chlyses Churzstreckeflugzüüg plant worde. Di aktuelle Modäll d Boeing 737NG (“Next Generation” u 737 MAX sy hingäge Mittelstreckeflugzüüg für e kommerziell Passaschierverchehr. D 737 wird aber ou uf der Langstrecki ygsetzt.

Boeing 737

E Boeing 737-3M8 vo der Trans European Airways Switzerland am Flughafe z Chlote. Es Bild vo JetPix.
Typ: Zwöistrahligs Schmalrumpfflugzüüg
Entwurfsland: Vereinigte StaatenVereinigte Staaten Vereinigti Staate
Härsteller: Boeing Commercial Airplanes
Erstflug: 9. April 1967
Indienststellig: 18. Februar 1968
Produkzionsziit: Syt 1967 i der Serieproduktion.
Stuckzahl: 11.147 (Stand Ändi Januar 2023)

Di erschti Boeing 737-100 het d Lufthansa im Dezämber 1967 übercho. Bis hüt sy 14.731 Bstellige für d 737-Familie ygange u 10.584 sy Usgliferet worde.[2] (Stand: Ändi Oktober 2020) Im Juli 2019 sy wältwyt im Schnitt über 2000 Boeing 737 glychzytig i der Luft gsi. Im durchschnitt isch uf der Wält alli zwöi Sekunde e Boeing 737 gstartet oder glandet.[3]

Nach zweene Abstürz vo nere Boeing 737 MAX 8 mit 346 Tode ufgrund vo identische Fählfunktione, sy im März 2019 alli 371 Maschine vom Typ MAX 8 u MAX 9 wältwyt mit em ne Flugverbot beleit worde.[4]

Versione

ändere

D MAX Version

ändere

Am 30. Ouguscht 2011 het Boeing under der Bezeichnig 737 MAX, nach ere grosse Bstellig vo de American Airlines[5] e ernöiti Modernisierig vo der 737 mit wirtschaftlechere LEAP-Tribwärch bekannt gä. Nachdäm im Jahr 2010 Airbus e Überarbeitig vo der Airbus-A320-Familie agchündiget het, het ou Boeing e Überarbeitig beschlosse anstatt der Neuentwicklig ahand vonere agfangene Studie Boeing Y1.[6] D Modäll 737 MAX 7, 737 MAX 8 u 737 MAX 9 basiere uf d Next-Generation-Modäll 737-800 u 737-900ER.[7] Di chlynschti Next-Generation-Version 737-600 wird nid als MAX-Version boue,[8] d MAX 7 isch im verglycht zu der 737-700 verlengeret u mit strukturelle Elemänt vo der 737 MAX 8 usgstattet.

Nach em Absturz vo zwöi Flugzüüg het Boeing der Bou vo de MAX Flugzüüg um 20% zrügg gfahre.

Boeing 737 MAX 8

ändere
 
D Boeing 737 MAX 8 während ere Flugschou.

D Boeing 737 MAX 8 isch d Wyterentwicklig vo der Boeing 737-800 u isch mit bis zu 189 Sitzplätz u meh als 6500 km Reichwyti,[9] ds diräkte Konkurränzmodäll zum Airbus A320neo. Der Roll-Out vom erschte Prototyp Spirit of Renton het am 8. Dezämber 2015 stattgfunde.[4] Ds Flugzüüg mit de neue CFM-LEAP-1B Triibwärch het am 29. Januar 2016 erfolgrych der Erschtflug vo Seattle us absolviert.[10] Der Ysatz vo dene sehr grosse Triibwärch hei d Aerodynamik vom Flugzüüg veränderet.[11][12]

Am 29. Oktober 2018 isch e fasch neui Boeing 737 MAX 8 verunglückt. Churz nach em Start vom Lion-Air-Flug 610 vo Indonesien isch der Flüüger i z Meer gstürzt. Alli 189 Persone an Bord sy derby um ds Läbe cho. Am 10. März 2019 isch du der Ethiopian-Airlines-Flug 302, e Boeing 737 MAX 8 wo grad mal vier Mönet alt isch gsi, sächs Minute nach em Start vom Flughafe Addis Abeba abgstürzt. Bi däm Unfall sy 157 Persone um ds Läbe cho. Em Absturz sy e Reihe ärnschthafti Warnige zum konkrete Problem dür Piloten i der USA vorus gange.[13] Uf das abe isch der Flugzüügtyp Boeing 737 MAX 8 u MAX 9 am 11. März 2019 z China u z Indonesie mit em ne Flugverbot beleit worde. Am 12. März hei du d Länder Oustralie, Singapur, Malaysia, Indie, Vereinigti Arabischi Emirate u Kuwait äbefalles es Flugverbot usgsproche. D Schwyz het zersch gseit das si d MAX Version vorerscht nid verbietet.[14] Der Grund für dä entscheit isch da dran gläge das es kei Schwyzer Fluggsellschaft mit ere Boeing 737 MAX 8 oder 9 het gä. Erscht wo d EASA es Flugverbot für die beide Type für di Europäischi Union usgsproche het, het du ou ds BAZL für d Schwyz es Flugverbot usgsproche.[15] Näbscht de verschidene Länder hei sech ou d Fluggsellschafte Ethiopian Airlines, Turkish Airlines, Norwegian, Icelandair, Cayman Airways u Gol Linhas Aéreas freiwillig derzue entschide, d Boeing 737 MAX 8 uf em Bode z la. Am 13. März 2019 het du ou Kanada u d USA es Flugverbot für d Boeing 737 MAX 8 u MAX 9 usgsproche.[16] Am 11. Oktober 2019 isch e Bricht erschine über d Fähler bi der Zertifizierig vom Flugzüüg. Dä Bricht dient derzue, das Boeing d MAX 8 u d MAX 9 wirder cha zertifiziere la.[17] Zudäm isch ou der Abschlussbricht zum Lion-Air-Flug 610 veröffentlecht worde. Am 29. Oktober 2019 het sech der Chef vo Boeing entschuldiget u het erschtmals Fähler zue gäh.[18] Im Januar 2020 het me wyteri Softwerproblem gfunde. Die Problem sy wichtig für d Widerzuelassig vo der Maschine. Boeing het aber gseit das sy die Problem müglechscht schnäll wott behäbe.

 
D Boeing 737 MAX 9 währet ihrem Erschtflug. Es Bild vo Jeff Hitchcock.

Boeing 737 MAX 9

ändere

D Boeing 737 MAX 9 isch die modernisierti Version vo der Boeing 737-900ER. Si het e Reichwyti vo rund 6500 km u isch für bis zu 220 Passagier zuegla. So konkuriert si mit em Airbus A320neo u em A321neo. Der Erschtflug het d Maschine am 13. April 2017 absolviert.[19]

Uf Grund vom Absturz im Oktober 2018 u däm im März 2019 het ou die Maschine am 12. März i der EU u der Schwyz es Flugverbot übercho.

Zwüschefäll mit der Boeing 737

ändere

Technischi Date

ändere

737 MAX

ändere
Kenngrössi 737 MAX 7 737 MAX 8 737 MAX 9 737 MAX 10
Längi 35,59 m 39,47 m 42,11 m 43,80 m
Spannwyti 35,92 m
Höchi (Max.) 12,50 m 12,42 m 12,40 m
Rumpfbreiti 3,67 m
Rumpfhöchi 4,01 m
Kabinebreiti 3,54 m
Sitzplätz (zwee Klasse) 138 162 178 788
Sitzplätz (maximal) 172 189 (200 i der MAX 200) 220 230
Max. Startmasse 80.286 kg 82.191 kg 88.314 kg 89.765 kg
Höchschtgschwindigkeit Mach 0,82
Reisegschwindigkeit Mach 0,785

TAS ca. 830 km/h

Reichwyti 7.130 km 6.704 km 6.658 km 5.960 km
Triibwärch zwöi CFM Leap-1B wo je bis zu 125 kN Schub lifere
Erschtflug 16. März 2018 29. Januar 2016 13. April 2017 Für ds Jahr 2019 planet
Idienschtstellig Wär für ds Jahr 2019 planet gsi 22. Mai 2017

(Malindo Air)

22. März 2018

(Thai Lion Air)

Für ds Jahr 2020 planet

Literatur

ändere
  • Helmut Gerresheim, Mike Riedner: Flugzeuge die Geschichte machten, Boeing 737. Motorbuch Verlag, Stuttgart 1995, ISBN 3-613-01650-8.
  • Malcolm Hill: Boeing 737. The Crowood Press, 2002, ISBN 1-86126-404-6. (änglisch)
  • W. Borgmann: Die Flugzeugstars: Boeing 737, Motorbuch Verlag, Stuttgart 2018, ISBN 978-3-613-04038-0.
ändere
  Commons: Boeing 737 – Album mit Multimediadateie

Quelle

ändere
  1. ↑ 6,000 and counting for Boeing’s popular little twinjet. flightglobal.com, 22. April 2009, abgrüeft am 27. Oktober 2019 (änglisch).
  2. ↑ Orders and Deliveries auf www.boeing.com (änglisch). Abgrüeft am 28. Novämber 2020.
  3. ↑ Boeing 737 Facts uf boeing.com. Abgrüefet am 27. Oktober 2019. (änglisch)
  4. ↑ 4,0 4,1 737 Max bleibt wohl Monate am Boden. In: tagesschau.de. 14. März 2019, abgrüeft am 27. Oktober 2019.
  5. ↑ Re-Engining der Boeing 737, American Airlines bestellt bis zu 925 Flugzeuge bei Airbus und Boeing uf Aero.de Datum: 20. Juli 2011, abgrüeft am 27. Oktober 2019.
  6. ↑ Boeing zeigt die allererste 737 Max. abgrüeft am 28. Oktober 2019
  7. ↑ Boeing Introduces 737 MAX With Launch of New Aircraft Family, 30. August 2011 (änglisch)
  8. ↑ Boeing klammert 737-600 von Re-Engining aus, aero.de
  9. ↑ Erfolgreichste Jet-Familie der Welt: Boeing 737 - Die Versionen. Artikel i der Flug Revue. (flugrevue.de)
  10. ↑ Boeing 737 MAX jet successfully completes first flight
  11. ↑ Boeing musste bei der Entwicklung der 737 Kompromisse eingehen. Abgrüefet am 28. Oktober 2019.
  12. ↑ Flawed analysis, failed oversight: How Boeing, FAA certified the suspect 737 MAX flight control system. Abgrüeft am 28. Oktober 2019 (änglisch).
  13. ↑ ASRS-Reports for Boeing 737 MAX 8 (änglisch)
  14. ↑ In der Schweiz bleibt die Boeing 737 MAX 8 erlaubt. Artikel vo Nau.ch vom 11. März 2019.
  15. ↑ Auch in der Schweiz erhält Boeing 737 MAX 8 Flugverbot. Abgrüeft am 28. Oktober 2019.
  16. ↑ US to ground all Boeing crash aircraft. Abgrüeft am 28. Oktober 2019 (änglisch).
  17. ↑ Gedanken zum Abschlussbericht Aeronews Germany Video vom 27. Okrober 2019 (youtube.ch)
  18. ↑ Boeing entschuldigt sich bei ein Jahr nach dem Absturz Artikel uf Süddeutsche Zeitung de vom 29. Oktober 2019
  19. ↑ Boeing 737 Max 9 war erstmals in der Luft, abgrüeft am 28. Oktober 2019
  Dä Artikel basiert uff ere fräie Übersetzig vu dere Version vum Artikel „Boeing_737“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Boeing_737&oldid=1034377"