Boulder

Boulder isch die viertgröschti Stadt im US-Bundesstaat Colorado, wo grad uf em Rand vo de Rocky Mountains lit. Es het öppe 150000 Iiwohner, vo dene händ öppe en Drittel öppis met de Colorado University z'tue, wo d'Hauptuni vo Colorado isch.

Boulder
Boulder am Aabe
D Laag in Colorado
Basisdate
Gründig:	1858
Staat:	USA
Bundesstaat:	Colorado
County:	Boulder County
Koordinate:	40° 1′ N, 105° 17′ W40.018611111111-105.278055555561655
Zitzone:	Mountain Standard Time (UTC−7)
Iiwohner:	91.685 (Stand: 2006)
Bevölkerigsdichti:	1.453 Iiwohner je km²
Flechi:	65,7 km² (ca. 25 mi²) davon 63,1 km² (ca. 24 mi²) Land
Höchi:	1655 m
Poschtleitzahle:	80301-80310, 80314, 80321-80323, 80328, 80329
Vorwahl:	+1 303, 720
FIPS:	08-07850
GNIS-ID:	0178680
Website:	www.ci.boulder.co.us
Bürgermeister:	Shaun McGrath
Satellitenbild

Geographie ond Klima

Boulder lit 1600m über em Meer, in em ene trockene Tal met 300 Sunnetag im Jahr.

Wirtschaft

D'Stadt läbt vil vo de Uni. Met 50000 Studente wird vil Gäld uusgäh. Usserdem isch Boulder au s Heim vom National Oceanic and Atmospheric Research Center ond vom National Center for Atmospheric Research. Darum gits viel Forschig ond vor allem viel uusbilditi Lüüt. S'Gschäft Celestial Seasonings chomt au uursprünglich us Boulder.

Kultur

Uuf de lebändige, verkehrsfreie Strass ide Altstadt hets Musikaante, Schauspieler, ond Künstler. Wiiters hets im Summer s'Shakespeare Festival a de Uni vo Colorado ond s'Colorado Music Festival im Chataqua Park. De Sport spilt au e wichtige Rolle für d'Stadt, da vil Olympia-Teilnehmer döt trainiered. D'Stadt isch au bekannt für s'Velofahre, Ränne, Wandere, Schneeschuelaufe, ond Schiifahre.

Gschicht

Bis im 19. Johrhundert händ verschiedeni nomadischi Indianerstämm mängisch i dem Gebiet gläbt. Im Jahr 1858 sind die erschte Europäer wägem Gold cho. Di erschti Schuel isch 1860 baut worde. Im Jahr 1871 isch d'Stadt Boulder gründet worde. 1873 hets die erschti Zugverbindig gäh und zwei Jahr spooter isch d'Uni iigweit worde.

D'Lokalwirtschaft isch vo Gold-, Silber-, und Choleabbau prägt gsi. De Bergbau isch bis 1940 wirtschaftlichi Hauptinahmequälle gsi. Spooter het d'Stadt uf nachhaltigi Industrie umgschwänkt.