Buhlbachsee
De Buhlbachsee isch en Karsee im nördliche Schwarzwald, wo sit em 1. Jänner 2014 zum Nationalpark Schwarzwald ghört.
De See ligt südöschtlich vom Schliffkopf im Buhlbachtal. Ma cha uf verschidnige Wäg zum See wandere und zwar vom Kniebis, vo Baiersbronn-Obertal oder vo de Schwarzwaldhochschtross her.
De See isch numme öppe 150 Meter breit und fascht rund. Numme an de Nordoschtsite, wo de Buhlbach de See duet verlah, isch er "usbüület". Im See isch e grossi Insle, wo öppe 100 uf 100 Meter gross isch. Uf dere Insle wachse Birke.
Wi alli Karseee, isch de Buhlbachsee, durch en Gletscher entschtande. Bi de letschte Iisziit, wo im Schwarzwald vor öppe 10'000 Johr vorbi gsi isch, isch er "übrig" blibe.
Weblink
ändere
Commons: Buhlbachsee – Sammlig vo Multimediadateie- de Buhlbachsee uf schwarzwaldhochstrasse.de (Memento vom 20. Jänner 2014 im Internet Archive)
- „Buhlbachsee im Nationalpark Schwarzwald“ uf schwarzwald-informationen.de
Koordinate: 48° 30′ 2,6″ N, 8° 14′ 40,6″ O