Burg Höhinge
D Ruine vu dä Burg Höhinge find mr uf em 354 m ü.NN. hoche Schlossberg ybrem Dorf Achkarre, Ortsdeil vu dr Stadt Vogtsburg im Kaiserschdual in dr Rhinebeni gegenybr vu (Alt-)Brisach.
| Burg Höhingen | ||
|---|---|---|
 Schlossberg vum Dorf Achkarre im Dal us gsä. Höchiunderschied um 150 m | ||
| Entstehigsziit: | vor 1064, urkundlichi Erschtnennig 1259 | |
| Burgetyp: | Gipfelburg | |
| Erhaltigszuestand: | Ruine | |
| Ort: | Achkarre | |
| Geografischi Lag: | 48° 4′ 15″ N, 7° 37′ 15″ O | |
| Höchi: | 354 m ü. NN | |
| ||
| Dialäkt: Kaiserschdialerisch |
Höhinge isch ybr Johrhunderte ä wichtigi Burg gsi, wu nur um 7 km vu dr stark umkämpfti un schdrategisch wichtigi Festig Brisach weg gsi isch. D schdrategischi Beditig isch doduri kumme, dass d rächtsrhinischi Nord-Süed-Handelsverbindige durch zwai Nadelöhr durigfyhrt hän, wovu ains zwische d Befestigige vu Riegel un em Schwarzwald bildet wore isch un s anderi zwische Brisach un Achkarre durigfyhrt het. Üsserdem isch d Burg Höhinge in sällene wechselvolli Kriegsgszitte öfder ä militärischs Gegegwicht zu Brisach gsi.
Ybr d Afang vu d Burgalage uf em Schloßberg weiß mr nit viil Gnaus. Abr scho im Johr 1064 bi dr erschdmolige schriftliche Erwähnig vu Achkarre, wu dr Kenig Heinrich IV s Dorf em Kloschder Ottmersche ybrdrage het, solle dert scho Burgalage gwä si, wo denno in dr folgendi Johrhundert mehrmols üsbaut wore sin. 1259 isch d Burg s erschd Mol schriftlich erwähnt wore. D Burg selber isch, nochdem si Johrhunderte gschdande isch, s erschd Mol 1525 bim Büraufstand azünd wore. D Achkarrer Büra hän mitgmacht.
Im Johr 1620 isch d Burg denno nochmol als Verteidigungsalag üsbaut un kriagsbereit üsgrüschdet wore, wel mr von dert üs guat het kenne d Kriegsereignis im Rhindal un d Festig Brisach sä. In emme zitgnössische Bericht vum Brisacher Byrgermaischder an d kaiserlichi Schdatthalder vu d vorderösterrichischi Ländr in Waldshuat wird d Burg Höhinge, vu dem mr öfder äui als vun emme Schloss red, ä so bschriibe:
„ Seine Lage war vortrefflich, da es mitten auf des Berges Gipfel auf hartem Fels stand, welcher wegen seiner Gräde einen schweren acceβ hatte und von keinem der umliegenden Orte konnte commandiert wären. Das Gebäu war von einem starken Mauerwerk, einerseits mit einem tiefen Graben umgeben, anderseits stieβ es auf ein unbesteiglichs praecipitium (=Abgrund), welches von unten her zu einer Steingruben gebraucht wird. Das Schloβ hatte eine gute Cisterne.“
Uf achkarrenerisch heißd des: "Sini Lag isch sehr guat gsi, well si uf em Gipfel vu herte Felse gschdande isch, wu mr wägge sinere Steili nur schwär het kenne ufi kumme un dass si (s Schloß) nit het kenne vu d Ortschafte in dr Nochbrschaft kommandiert wäre. D Burg isch üs starke Müre gmacht und vun emme diafe Grabe umgäbe gsi. Uf ainere Site isch ä Abgrund vun emme Staibruch gsi. S Schloss het a guati Zisterne ka."
1633 isch ä Agriff vu Brisach üs gmacht wore. D kaiserlich-katholischi Druppe hän dia grad vu dä Schwede gehalteni un vu dä protestantischi Ihringer geschdytzti Burg eroberet un hän si gli plünderet. D Beut het nach d damaligi Ufzeichnunge nebbe anderi Sache um 15.000 Lidder Wii üsgmacht. In dr Burg glagerts Eigeduam vu dr Ihringer Lit isch äui verloren gange. Es wird vu 200 Pfärd un 300 Styck Vieh vuzält, so dass mr sich vorstelle ka, wia groß d Burg gsi isch. Noch mehrmolige Üsenandersetzige um d Burg hinterher isch si am End vu de denno kaiserliche Besatzig in Brand gsetzt wore, wo sie militärisch nimmi het ghalte wäre könne. Wel d Ruine ab 1671 offiziell fir de Abbruch als Baumaterial fir d Brisacher Befestigunge freigä wore isch un später äui als Baumaterial fir Privathiiser gnumme wore isch, sin uf em Schloßberg hit numme ä paar kläglichi Räschd vu Ruine zsä, wu mr abr jedrzit ka aluege.
Ä muetmaßliche Idruck wia d Burg fryer üsgsä het, git ä Kupferstich vum Matthäus Merian üs em Johr 1644, abr ybr sin Realismus ka mr hit nit viel Gsicherts sage. Abr dr Zuagang zum Burgdor muess an dr gliche Stell gsi si wia uf em Kupferschdich, wia mr hit noch guet ka sä.
-
Kupferstich vu Matthäus Merian vu 1644 vu Weste (Rhinebene) üs gsä. -
Üsschnitt mit dr Burg üs m Kupferstich vu Matthäus Merian vu 1644.
|
Dä Artikel basiert uff ere fräie Übersetzig vum Artikel „Burg_Höhingen“ vu de dütsche Wikipedia. E Liste vu de Autore un Versione isch do z finde. |