D Burg Driberg isch e Burgruine uf eme Bärgsporn sideschtli vu dr Stadt Driberg im Schwarzwald-Boor-Chreis z Bade-Wirttebärg.

Burg Driberg
Entstehigsziit: um 1325
Burgetyp: Hecheburg, Spornlag
Erhaltigszuestand: Muurräscht
Ständischi Stellig: Adligi
Ort: Driberg
Geografischi Lag: 48° 7′ 47″ N, 8° 13′ 56,3″ OKoordinate: 48° 7′ 47″ N, 8° 13′ 56,3″ O
Burg Triberg (Baden-Württemberg)
Burg Triberg (Baden-Württemberg)
Burg Triberg
Burg Triberg

Gschicht ändere

Wänn die Spornburg an dr Guetach entstande isch weiß mer nit gnau, in dr erschte Helfti vum 14. Johrhundert isch am Fueß vu dr Burg d Stadt Dribärg entstande. Vor allem weiß mer nit, eb s d Burg scho gee het, wu di friejer Herrschaft Hornberg um 1200 in di bode sälbschtändige Herrschafte (Nei-)Hornberg un Driberg ufdeilt woren isch.

Anne 1239 isch dr Name Triberg zem erschte Mol gnännt wore. In ere Urkund iber e Rächtsgschäft zwisch em Grof Berthold von Neuenburg un em Bischof Lutold vu Basel erschynt dr Minischtrial Peter von Triberc as letschte vu dr 15 Zyyge. D Burgaalag isch villicht vum Burkhard I. von Triberg böue wore. Bsitzer vu dr Burg sin d von Hornberg gsi. Wu d Driberger Linie uusgstorben isch, sin d „stat und burg ze Triberg“ an d Grofe von Hohenberg chuu. 1355 isch d Herrschaft vum Herzog Albrecht II. von Österreich, eme Habsburger, gchauft wore isch anne 1654 ändgiltig an Eschtryych gfalle (Vordereschtryych).

D Burg isch e baar Mol vu dr Habsburger verpfändet wore (1372 an d Markgrofe vu Bade, 1493 an d Grofe zu Fürstenberg, un im 16. Johrhundert an dr Fryybeger Jurischt Zasius un dr Fäldhauptmann Lazarus von Schwendi). Im Johr 1489 isch si dur e Fyyr gschlisse un derno wider ufböue wore. Im Buurechrieg isch d Burg anne 1525 nomol niderbrännt wore. Ufständischi Schwarzwälder Buure un Burger sin do d Brandstifter gsi. Si hän d Burg as Frondienscht wider mieße ufböue. 1616 isch si wider deilwyys un im Dryssgjehrige Chrieg isch si an dr Wynächte 1642 dur schwedischi Soldate ändgiltig gschlisse wore.

Dr Grundriss un e Pfyyler vu dr ehmolige urgaalag sin anne 1934 dur Uusgrabige vun e baar Muurräscht frejgleit wore. D Burg Driberg zeigt sich hite as Ruine mit wenige Muurräscht im sognännte „Burggarte“ bim Kurhuus.

Literatur ändere

  • Max Miller, Gerhard Taddey: Handbuch der historischen Stätten Deutschlands. Band 6. Baden-Württemberg. Stuttgart 1965

Weblink ändere

  Dä Artikel basiert uff ere fräie Übersetzig vum Artikel „Burg_Triberg“ vu de dütsche Wikipedia. E Liste vu de Autore un Versione isch do z finde.