Carolyn Oesterle

D Carolyn Oesterle (* 1974) isch e dytschi Anglischti, Lehreri un Dialäktautori.

Lääbe

D Oesterle isch z Dutschfälde ufgwachse. Si isch vu 1980 bis 1984 uf d Johann-Peter-Hebel-Grundschuel z Härwelze gange un derno ab 1984 uf s Gimnasium z Känzinge, wu si anne 1993 s Abitur gmacht het. Derno het si vu 1994 bis 2000 an dr Universitet Fryburg Änglisch un Sport studiert un 1997/1998 an dr Washington University z St. Louis (USA) English studies. Noch em Abschluss as M. A. het si drei Johr im e Fryburger Verlag gschafft un derno am Änglische Seminar an dr Uni Fryburg in dr Forschigsgruppe „Historische Lebenswelten in populären Wissenskulturen der Gegenwart“ e Dissertation aagfange.

Syter anne 2012 schafft si as Lehreri fir Dytsch un Änglisch an dr Freie Evangelische Schuel z Lohr. D Carolyn Osterle läbt z Härwelze. Si isch glaibigi Chrischti un duet regelmäßig in ihre Chilchegmai, dr freichilchlige Immanuel-Gmai z Härwelze bredige. Derzue bietet si fir Jugedligi un jungi Erwachseni e Glaubesgrundkurs aa.

D Oesterle isch mit em Dutschfälder Dialäkt ufgwachse, Hochdytsch het si zum erschte Mol in d Grundschuel gschwätzt. Syter anne 2004 schrybt d Carolyn Oesterle Gschichte, Gedicht un Szenen in ihrem nideralemannische Dialäkt.

Anne 2005 het si mit dr Verzelig Ä Krimi bim Mundartwettbewärb „Mir sueche die Beschde“ vu dr Badische Zytig, dr Muettersproch-Gsellschaft un em SWR dr dritt Bryys in dr Kategory Prosa gwunne. Ai Johr speter het si bim zweete Gerhard-Jung-Wettbewerb dr erscht Bryys in dr Kategory Prosa gwunne, un 2009 bi dr dritten Uflag vum Wettbewärb derno dr erscht Bryys in Kategorie Lyrik un Spiil un dr zweet Bryys in dr Kategory Prosa. Im Johr 2010 isch si zue dr 22. Internationale Schopfemer Mund-Art Literatur-Wärchstatt yyglade wore.

Schrifte

Literarischi Wärch

• Ä Krimi. In: Alemannisch dunkt üs guet 1/2005: S. 62–63
• linie 6, niederflur. In: Alemannisch dunkt üs guet 1/2006: S. 38.
• morgefreid. In: Alemannisch dunkt üs guet 1/2009: S. 55

Wisseschaftligi Schrifte

• Themed Environments – Performative Spaces: Performing Visitors in North-American Living History Museums. In: Staging the Past: Themed Environments in Transcultural Perspectives, hg. von Judith Schlehe et al. Bielefeld: transcript, 2010
• Hg. (mit Judith Schlehe, Michiko Uike-Bormann, Wolfgang Hochbruck): Staging the Past: Themed Environments in Transcultural Perspectives. transcript, Bielefeld 2010
• Hg. (mit Eva Ulrike Pirker, Mark Rüdiger et al.): Echte Geschichte: Authentizitätsfiktionen in populären Geschichtskulturen. transcript, Bielefeld 2010.
• Neil LaBute. In: Kindlers Literatur Lexikon, hg. von Heinz Ludwig Arnold, Stuttgart/Weimar: Verlag J. B. Metzler, 2009.
• ‚Drehbuch im Drama' − Intergenerische und intermediale Metaisierung in Paula Vogels Hot’N’Throbbing. In: Metaisierung in Literatur und anderen Medien. Theoretische Grundlagen – Historische Perspektiven – Metagattungen – Funktionen. Hrsg. v. Hauthal, Janine / Nadj, Julijana / Nünning, Ansgar / Peters, Henning. Walter de Gruyter, Berlin 2007 (spectrum Literaturwissenschaft / spectrum Literature 12). S. 247–262

Weblink

• Täxtprobe uf dr Websyte vu dr Muettersproch-Gsellschaft
• Byschpel vu Bredige vu dr Carolyn Oesterle bi dr Immanuel Gemeinde Herbolzheim (Tonufnahme):
  • Erneuertes Denken, 28. Dezämber 2014 (37:00 min)
  • Kein Sklave mehr, 27. Dezämber 2015 (50:27 min)
  • Von Kraft zu Kraft , 11. Dezämber 2016 (39:21 min)
  • Bekenne, was du glaubst, 4. Juni 2017 (37:23 min)
• Patrik Müller: Mundart fließt besser. Menschen im Breisgau: Carolyn Oesterle, Siegerin beim Gerhard-Jung-Wettbewerb. Badische Zeitung, 6. Mai 2009