Cassini-Huygens-Mission

D Cassini–Huygens-Mission isch e gmeinschaftligs Projekt vo dr NASA und dr ESA, wo dr Planet Saturn und siini Mönd duet erforsche. Si bestoht us em Orbiter Cassini und dr Landesonde Huygens

D Huygens

D Huygens isch e Sonde gsi, wo d Atmosphäre un d'Oberflächi vom Saturnmond Titan erforscht het.

D Huygens het ihre Name vom holländische Astronom us em 17. Johrhundert, em Christiaan Huygens, übercho. Si isch vo dr Europäische Ruumfahrt Agentur as Deil vo dr Cassini-Huygens-Mission baut worde und ihre Ufdrag isch d Erforschig vo dr Atmosphäre vom Saturnmond Titan gsi. D Cassini-Huygens isch am 15. Oktober 1977 vo dr Ärde us gstartet. D Huygens het sich am 25. Dezember 2004 vom Cassini-Orbiter drennt, und isch am 14. Januar 2005 uf em Titan in dr Nöchi vo dr Xanadu-Region glandet. Au wenn si nit as Lander konzipiert gsi isch, het si währed 90 Minute noch dr Landig no Date zrugggsändet.

Dr Cassini

Dr Cassini isch e Satellit wo si Name vom italiänisch-französische Astronom Giovanni Domenico Cassini übercho het. Er isch vo dr NASA baut worde und het siibe Hauptufdräg: er undersuecht die dreidimensionali Struktur vo de Saturnring und ihr dynamischs Verhalte, us was d Oberflechi vo de Mönd gmacht isch und ihri geologischi Gschicht, er sött usefinde was s dunkle Material uf em Iapetus isch und vo wo es chunnt, er misst d Struktur und s Benäh vo dr Magnetosphäre, er undersuecht im Saturn si Atmosphäre und em Titan siini Wulke und si Oberflechi. Nochdem d'Cassini-Sonde aber uffem Mond Enceladus Geysir un Azeiche fier flüssigs Wasser entdeckt het, isch sälle Mond nochem Titan dr Schwerpunkt vu dr Mission worre.

D'Cassini-Mission isch ursprünglich numme bis ans End vu 2008 plant gsi, aber middlerwili bis 2010 verlängeret worre.