Charles Trenet
Dr Charles Trenet (* 18. Mai 1913 as Louis Charles Augustin Georges Trenet z Narbonne, Département Aude; † 19. Februar 2001 z Créteil) isch e franzöösische Sänger, Schauspiiler, Komponist, Dichder und Mooler gsi.
Lääbe und Wärk ändere
1930 isch dr Trenet uf Bariis und het in de Filmstudio z Joinville-le-Pont afo schaffe. Er het sich in de Künstlerkräis in Montparnasse um e Jean Cocteau und um e Max Jacob bewegt und het sini erste Chansonteggst ver'ffentligt (d Muusig zum Film Bariole). Er het dr jung Schwizer Muusiker Johnny Hess kennegleert und zämme häi si s Duo Charles et Johnny gründet. Mit Lieder wie Vous Qui Passez Sans Me Voir häi si schnäll Erfolg ghaa.
S Duo het sich drennt, wo dr Trenet iizooge worde isch. Spööter isch dr Trenet zrugg uf Bariis. Wäärend dr Bsatzig het er Schwiirigkäite mit dr Gestapo ghaa, woorschinlig wil er Juud und homosexuell gsi isch. Mä nimmt aa, ass er wäge däm für die Dütsche in Frankriich und au in Dütschland het müesse ufdräte. Noch em Chrieg het men en wäge Kollaborazioon verdächdigt, er isch aber vo dr Süüberigskommission freigsproche worde.
In de drissger und vierzger Joor si Chansons wie Douce France, Que reste-t-il de nos amours?, L’âme des poêtes und La Mer entstande und mit deene het er witer Erfolg ghaa und er het au e baar nöiji Hit ghaa, wo uf dr ganze Wält bekannt worde si. Z Frankriich, in de USA und z Dütschland prominänti Sänger wie d Juliette Gréco und dr Johnny Mathis sini Lieder nöi interpretiert. Er isch uf Wältturneä gange, aber in d Académie française isch er nid cho wien er ghofft het.
Dr Charles Trenet isch bis ins hooche Alter ufdräte. Si Urne isch im Graab vo sinere Mueter z Narbonne begraabe worde.
Rezepzioon ändere
Au noch sim Dood si sini Lieder in Frankriich beliebt. Dr Doon vo sine Lieder isch mänggisch häiter, mänggisch melancholisch aber immer eligant. Si beschäftige sich vilmol mit em Urlaub, dr Chindhäit oder dr Liebi. Si ghööre in Frankriich und im franzöösischsproochige Ruum zum kulturelle Allgemäinguet.
Daarsteller in Film ändere
- 1938 Je chante
- 1938 La Route enchantée
- 1941 La Romance de Paris
- 1942 Frédérica
- 1943 Adieu Léonard (La Bourse ou la vie)
- 1943 La Cavalcade des heures (Love Around the Clock)
- 1952 Bouquet de joie
- 1953 Les Chansons ont leur destin
- 1954 An jedem Finger zehn (Ten on Every Finger)
- 1954 Boum sur Paris
- 1957 C'est arrivé à 36 chandelles (It Happened on the 36 Candles)
- 1957 Printemps à Paris (Springtime in Paris)
Dokumentarfilm ändere
- Frankreichs Chanson-Legende Charles Trenet. (OT: L'ombre au tableau, Charles Trenet.) Dokumentarfilm, Frankreich, 2013, 53:30 Min., Buch und Regie: Karl Zéro und Daisy d'Errata, Produktion: arte France, La mondial de productions, Troisième Oeil Productions, INA, deutsche Erstsendung: 16. Februar 2014 bei arte, Inhaltsangabe von ARD.
Weblingg ändere
Commons: Charles Trenet – Sammlig vo Multimediadateie- Portail des amis de Charles Trenet - Biographii, Diskografii, Teggst vo de Chansons.
- Fonds pour la mémoire de Charles Trenet (franz.)
- Geburtshaus von Charles Trenet in Narbonne (dütsch)
- Charles Trénet uf José Guillermo Carrillo Fundacion (spanisch)
|
Dä Artikel basiert uff ere fräie Übersetzig vum Artikel „Charles_Trenet“ vu de dütsche Wikipedia. E Liste vu de Autore un Versione isch do z finde. |