d Charta vo de Veräinte Nazioone

D Charta vo de Veräinte Nazioone isch dr Vertrag, wo me drmit d UNO gründet het.

D Urfassig vo de Charta (PDF; Aaklicke für die gsamti Fassig)

Si gilt do drmit au wie d Verfassig vo dr UNO. S Dokumänt isch am 26. Juni 1945 vo Verträtter vo füfzg Länder underschribe worde. Am 24. Oktober 1945 isch d Charta in Chraft trätte, wo si vo de meischte Länder und psunders vo alne Mitglider vom Sicherhäitsroot au ratifiziert gsi isch.

D Charta isch für die Länder, wo bi dr UNO sind, e völkerrächtlech verbindleche Vertrag.

Z Düütschland sind die beide Staate BRD und DDR ane 1973 em Vertrag byträtte, d Schwiiz, wo d Vorlöiferorganisazioon vo dr UNO, dr Völkerpund, dihei gsi isch, erscht ane 2002.

was i dr Charta stoot ändere

D Charta vo de Veräinte Nazioone het en Präamble und nüünzää Kapitel.

D Präamble seit, d Gmeinschaft vo de Völker well drfüür luege, ass es kei Chrieg me gäbi und dass me de algemeine Möntscherächt uf dr ganze Wält nocheläbi.

I de Kapitel vo dr Charta stoot, wie d UNO organisiert isch, was d Gäneralversamlig und dr Sicherhäitsroot mache, wie d Länder i dr Wältwirtschaft selle zämeschaffe und wie dr Internazional Grichtshoof funkzioniert.

Literatur ändere

  • Bruno Simma et al. (Hrsg.): The Charter of the United Nations – A Commentary. 2 Bände. 2. Auflage. C.H. Beck, München 2002, ISBN 3-406-49900-7

Weblink ändere