Christine Badertscher

D Christine Badertscher (* 11. Jänner 1982 z Sumiswaud; haimetberächtigt z Luperschwiu) isch e Schwyzer Bolitikeri (GPS).

Uusbildig un Beruef ändere

D Christine Badertscher isch im Ämmitau uf eme Buurehoof ufgwagse. Si het e chaufmännischi Leer gmacht un derno fir lengeri Zyt z Kamerun gläbt. Wider in dr Schwyz het si z Wädischwiil Umwältinscheneeriwääse studiert un derno as perseenligi Mitarbaiteri vum doomoolige Nazionaalroot Alec von Graffenried bi dr Griene Bartei Schwyz gschafft. An dr Hoochschuel fir Agraar-, Foorscht- un Lääbesmittelwisseschafte z Zollikofe het d Badertscher derno Agraarwissenschafte studiert mit eme Master as Abschluss. Nääbehäär het si uf em Bioohoof vu dr Eltere z Madiswiu gschafft. Noch em Studium het si vier Joor bim Schwyzer Buureverband im Beryych Agraar- un Handelsbolitik un derno bi Swissaid gschafft]. D Christine Badertscher läbt z Madiswiu.[1]

Bolitik ändere

D Christine Badertscher isch 2011 bis 2018 Mitgliid vum Gmairoot (Exekutive) vu Madiswil un Bresidänti vu dr Kummissioon fir effetligi Sicherhait gsii.

Bi dr nazionaale Barlemäntswaale vum 20. Oktoober 2019 isch d Badertscher fir di Griene in Nazionaalroot gweelt woore.[2]

D Badertscher isch vu 2013 bis 2018 Bresidänti vu dr Griene Ooberaargau gsii un syter 2019 isch si Vizebresidänti vu dr Griene Kantoon Bärn. Si isch syter 2017 Bresidänti vum Ooberaargauische Buureverain, Voorstandsmitgliid vum Bärner Buureverband un Voorstandsmitgliid vum Verain Identität Oberaargau. Syter 2018 isch si Vizebresidänti vum Verein Förderung junger Personen in der Gemeindepolitik FJG un Mitgliid im Länkigsgreemium International Certification Bio AG. Syter 2019 isch si Stiftigsreeti vu dr Stiftig WBM Madiswil un Mitgliid vu dr agraarbolitische Kummissioon vum Schwyzerische Byyrene un Landfraueverband SBLV.[1]

Weblink ändere

Fueßnote ändere

  1. 1,0 1,1 Christine Badertscher: Zu meiner Person
  2. Nach dem Angriff aufs Land folgt bei den Grünen die harte Arbeit, Der Bund, 22. Oktoober 2019


  Dä Artikel basiert uff ere fräie Übersetzig vu dere Version vum Artikel „=Christine_Badertscher“ vu de dütsche Wikipedia. E Liste vu de Autore un Versione isch do z finde.