Hauptmenü ufmache
Christine Ferber (2017)
Dialäkt: Elsassisch

D Christine Ferber (* 11. Mai 1960 z Nìedermorschwihr[1][2]) ìsch a Zuckerbäckena, wo Kumfitüra un àndra Gniaßwàra harstellt. Dur d Quälität vu ìhra Produkta ìsch sa waltberiahmt worra[3].

Ìhrer Vàter, dr Maurice Ferber, ìsch Bäck gsìì. Ar hàt ìhra empfohla, Zuckerbäckena z wara, wo sa 15 Johr àlt gsìì ìsch. Sa ìsch drèi Johr làng uf Brüssel gànga ge lehra.

Ànna 1979 hàt sa d „Coupe de France des pâtissiers“ gwunna. Dur dàs hàt sa känna bim beriahmta Bäck Lucien Pelletier z Pàris ge schàffa.[4]

Mìt 18 Johr àlt ìsch sa wìder zruck uf Nìedermorschwihr, fer ìhra Kunscht ìm Fàmìliaunternamma üsiawa. Ìm àltmeedischa Gschafft „Le relais des Trois-Épis“[5] wara ìhra Gniaßwàra verkàuift: Kumfitüra, Schokolà, Bredla, Traiteur-Wàr. D Christine Ferber verbrìngt lànga Taga ìn ìhrem Àtelier fer àn dr Produktion teilnamma. D beschta Quàlität ìsch verlàngt, egàl äb's tiirer müeß wara: sa verwandet numma frìscha Obst, ìn'ma sehr güeta Züestànd un vu lokàla Harkunft. D Àrwet wìrd vu Hànd gmàcht, ohna Züesàtzmìttel z brüücha.[6]

25 Igstellta schàffa ìm Fàmìliaunternamma. Pro Johr gìtt's a Umsàtz vu 2 Milliona Euros, wo sìch aso verteilt: 35 % fer d Kumfitüra, 35 % fer s Gebäck, 25 % fer s Traiteur-Wàr. S Ziel entsteht àwer nìt ìn era greeßera Entwìcklung vum Gschaft, d Hàuiptsàch ìsch d Frèiheit ìn dr Harstellung z bhàlta.

Zitter 1984 hàt d Christine Ferber 400 Sorta Kumfitüra erstellt; 200 dervu fìndet ma ìn ìhrem Gschaft.

BiacherBearbeite

  • Mes tartes sucrées et salées, Àwrìl 1998
  • Alice im Schlaraffenland, 2007
  • Toc Toque, Novamber 2009, Verlàg „Eveil Et Découvertes“
  • Le Larousse des confitures. La saveur incomparable des confitures, gelées et compotes maison, Oktower 2014, Verlàg „Larousse“
  • Mes confitures, März 2015, Verlàg „J'ai Lu“

Externa LinksBearbeite

ReferanzaBearbeite