Corina Casanova

D Corina Casanova (* 4. Januar 1956 in Ilanz GR) isch vo 2008 bis 2015 Bundeskanzlerin vo de Schwiizerische Eidgenosseschaft gsii.

Corina Casanova (2011)

Bis zum 31. Dezämber 2007 isch si Vizekanzlerin gsi. Als Vizekanzlerin het d Corina Casanova d Bundeskanzlerin Annemarie Huber-Hotz unterschtützt. Sie isch innerhalb vo de Bundeskanzlej zueschtändig gsi für d Abteilig Bundesrat, wo d Sektione Bundesratsgschäft, Rächt, Zentrali Sprachdienscht und Amtlichi Veröffentlichunge behandelt werde.

Am 29. Juni 2015 het d Bundeskanzlei bekannt gää, dass d Corina Casanova bi de Neuwahlen am 9. Dezember 2015 nüt für e dritti Amtszit kandidiert.

D Bundeskanzlej mit öppe 250 Mitarbeitende isch d Stabschtell vo de Regierig – vom Bundesrat – und bsunders vom Bundespräsident.

Läbeslauf

D Corina Casanova isch i de Bündner Dörfer Tarasp und Ruschein uufgwachse, wo si au i d Primarschuel gange isch. Si hät a de Kantonsschuel z Chur 1977 d Matura (Typus B) abschglosse. Schpöter hät sie Rächtswüsseschafte a de Universität vo Friiburg schtudiert. 1982 hät si mit em Lizentiat abschglosse und zwei Jahr schpöter hät si s Awaltspatänt vom Kanton Graubünde überchoo.

Vom 1984 bis 1986 hät si zwei Joor i de Awahltskanklej vom früenerige Bundesgrichtspräsident Giusep Nay gschaffe. Ab em 1986 bis 1990 isch si d Deligierti vom Internationale Komitee vom Rote Chrüz in Südafrika, Angola, Nicaragua und El Salvador gsi.

D Corina Casanova isch Mitgliid vo de Chrischtlichdemokratische Volkspartej (CVP) und chann sächs Schprache: Rätoromanisch (Sursilvan und Vallader), Dütsch, Französisch, Italienisch, Änglisch und Schpanisch.

Brueflichi Tätigkeite:

• 1984–1986: Fürschprächerin im Awaltsbüro vom ehemalige Bundesgrichtspräsident Giusep Nay
• 1986–1990: Delegierti für s'Rote Krüz i de Republik Südafrika, in Angola, Nicaragua und El Salvador
• 1992–1996: Informationsbeuuftrejti vo de Parlamäntsdienscht vom Bund
• 1996–1999: Mitarbet im Schtab vom Vorsteher vom Eidgenössische Departemänt für uuswärtigi Aglägeheite (EDA)
• 1999–2002: persönlichi Mitarbeiterin vom sinnerziitige Bundesrat Joseph Deiss
• April 2002: Ernännig zue dr schtellverträtende Generalsekretärin vom EDA
• 27. April 2005: Wahl zue dr'Vizekanzlerin, Amtsatritt am 1. Auguscht 2005
• 12. Dezember 2007: Wahl zue dr'Bundeskanzlerin, Amtsatritt am 1. Januar 2008

Weblink

 Commons: Corina Casanova – Sammlig vo Multimediadateie

• Vizekanzlerin Corina Casanova

Dä Artikel basiert uff ere fräie Übersetzig vum Artikel „Corina_Casanova“ vu de dütsche Wikipedia. E Liste vu de Autore un Versione isch do z finde.