Cornwallis-Insle

D Cornwallis-Insle (ängl. Cornwallis Island) isch eini vo dr Königin-Elisabeth-Insle im kanadische Territorium Nunavut.^[1]. Si het e Flächi vo rund 7000 km², dr höggschti Punggt isch nur 359 m hoch.

D Landschaft isch meischtens e Stäi- und Felswièschti, odr a sehr vegetationsarmi Tundra. D Ursach isch hüffige Näbel durch vili Meeresflächène rund um diè flachi Insle ohni Gebirg. Diè mittlere Tämpraturä in de drey Summermönet Juni bis Auguscht sind 0,4 °C, 4,5 °C und 2,0 °C, in de drey Wintermönet sinds zwüsche -28 °C und -32 °C. Als tièfschti Tämpratur sind -52 °C gmässe worde. An der Südküschtè fiert d Nordwestpassaasche vrbii.

D Sydlig Resolute uf dr Cornwallis-Insle liggt an dr Südküschte vo dr Insle uf erè Breiti vo 74° 42' Nord. Dr Ort isch dr wichtigschti Stützpunkt für alli Aktivitetä in dr öschtliche kanadische Hocharktis. Die kanadischi Regierig het scho 1958 s Polar Continental Shelf Projeggt (PCSP) gründet. S PCSP unterstützt Forscher mit effiziänter Logistik (Unterkunft, Usrüschtig, Fluglogistik, Funkverbindigè) uff em Wääg zu Forschigsort in de gánze Arktis. Bsunders interessanti Forschigsort sit über 60 Yoor sind d Ellesmere-Insle, d Axel-Heiberg-Insle und d Ward-Hunt-Insle. S PCSP unterstützt sogar Forscher uf em arktische Paggys bis zum Nordpol. Diè vile Aktivitetè sind au wichtig um d Souveränität vo Kanada in dr Arktis z stérkè.^[2]

Weblink

Commons: Cornwallis Island – Sammlig vo Multimediadateie

Einzelnachwys

↑ ICSP TOOLKIT. Government of Nunavut. - Informationè für alli zivilè Sidlige vom Inuit-Territorium Nunavut
↑ The Polar Continental Shelf Project (since 1958). Government of Canada.

[1] ICSP TOOLKIT. Government of Nunavut. - Informationè für alli zivilè Sidlige vom Inuit-Territorium Nunavut

[2] The Polar Continental Shelf Project (since 1958). Government of Canada.

[1]

[2]