DJ Manon
D DJ Manon (* 1970 as Manon Maeder z Bärn) isch e Schwyzer DJ un Musikproduzänti un giltet as aini vu dr Pionierne vu dr elektronische Musik in dr Schwyz[1][2][3][4].
Lääbe ändere
Erschti Schritte in d Musikwält het d Manon im Alter vu siibe Joor gmacht, wu si sich vu irem gsparte Gäld Schallplatte gchaft het. Musik isch zäntrale Punkt in s Manons Lääbe woore. Ire eerscht Ufdritt het si im Alter vu 15i z Burdlef ghaa.
In dr Zyt vu ire Leer im Gaschtgwäärb het d Manon anne 1989 di eerschte illegale Party in dr „Dampfzentrale“ un em „Bluelight“ z Bärn entdeckt, wu iri Lyydeschaft fir di elektronisch Musik gweckt hän. D Grinder vum „Bluelight“ hän aini vu dr eerschte House- un Techno-Location in dr Schwyz ufgmacht, d „Aare Bar“ z Bärn, wu d Manon ai Joor lang d Fierig vu dr Bar ibernuu het.
Anne 1993 het si d Manon us berueflige un private Grind entschide, uf Züri z zie. D Stadt het dodmol as Draischybe vu dr elektronische Musik in dr Schwyz gulte.
Ire Job in eme Plattelade un iri Mitwirkig bi dr legendäre Afterhour-Party im „Oxa“ Züri un „Tarot Club Grodoonia“ Rümlang hän si schliessli derzue brocht, ire Hobby zum Beruef z mache. Näb eme Ufleege het si all Ritt aigeni Event organisiert un het unter anderem au Fraue hinter dr Plattedäller gferderet.[5][6]
Im Zürcher Club Chauflüüte (Kaufleuten) het si ire eerscht Engaschmänt as resident DJ iberchuu. Aber s sin vor allem Gig an Party vu Frynd wie „Dekadance“, „Massive Ursive Primitive“ un „Life is a Bitch“, wun ere ghulfe hän, si in dr Schwyzer DJ Szene un speter au internazional z etabliere.
Anne 1996 het d Dj Manon aagfange Musik z produziere un ai Joor speter isch ire eerscht Stuck uusechuu. Mit dr Label Terminal M un Desolat het si ab 2008 aigeni Party un Event veraastaltet. 2014 het si ire aige Partylabel Mannonmania grindet.[7]
D Manon isch Mueter vu zwai Chinder, e Doochter (* 1999) un e Suun (* 2001) un läbt z Züri.
Diskografy ändere
- 1997/1998 „Midweeker“
- 1997 Mix-Compilation „Kaufleuten Vol.3“
- 1998 „The Fly“
- 1999 „Unwirklich“ (Gem Records, Frankfurt/Deutschland)
- 1999 Mix-Compilation „Supergirls“
- 2001 „Keep The Green Clean“ (Muve, Zürich/Schweiz).
- 2006 für „Island – Vol.2,“ mixed by Paul Lomax, Ibiza/Spanien.
- 2006 „Out of My Head“ (Level Non Zero, Frankfurt)
- 2006 „Midnight of My Life“ von Triosomie 21 (Chromo Music, Paris/Frankreich)
- 2009 INKULU (Album)
- 2011 Que cara e essa
Weblink ändere
- DJ Manon uf residentadvisor.net
- DJ Manon legt in der Notlösung auf. In: Badische Zeitung. 25. November 2016
Fuessnote ändere
- ↑ Rosanna Grüter, Grüter&Bürgin, Grüter&Bürgin: Königin Manon. Schweizer Radio und Fernsehen SRF, 30. September 2017, abgruefen am 1. Mai 2020 (Schwiizer Hochtüütsch).
- ↑ «Der Sound ist gewagter, wenn Frauen auflegen». In: Tages-Anzeiger. ISSN 1422-9994 (tagesanzeiger.ch [abgerufen am 1. Mai 2020]).
- ↑ «Der Sound ist gewagter, wenn Frauen auflegen». In: Tages-Anzeiger. ISSN 1422-9994 (tagesanzeiger.ch [abgerufen am 1. Mai 2020]).
- ↑ Die Pionierin. Abgruefen am 15. Juli 2017.
- ↑ Geboren um laut zu sein: Manon im Gespräch am Gurtenfestival. In: Kulturmagazin frachtwerk. 30. Juli 2019, abgruefen am 30. April 2020 (de-DE).
- ↑ Valérie Jost: Ohne Frauen läuft in der Techno-Stadt nichts. Abgruefen am 1. Mai 2020.
- ↑ Manonmania
|
Dä Artikel basiert uff ere fräie Übersetzig vu dere Version vum Artikel „DJ_Manon“ vu de dütsche Wikipedia. E Liste vu de Autore un Versione isch do z finde. |