Demokratischi Bartei (Bade)

Demokratische Partei (DemP)
Partei­vorsitzr	Paul Waeldin
General­sekretär	Hans Wolf
Gründig	20. Januar 1946
Gründigs­ort	Fryburg
Auflösung	April 1948
Uus­richtig	Liberalismus

Dialäkt: Undermarkgreflerisch

Di Demokratisch Bartei (churz: DemP) isch e liberali Bartei z Sidbade gsii. Si isch e Vorlaiferbartei vu vu dr FDP Bade-Wirttebärg gsii.

Gschicht

Di Demokratisch Bartei isch am 20. Jänner 1946 uf dr Grindungsversammlig z Fryburg vu 47 Lyt grindet wore. Si isch e liberali Bartei in dr Franzesische Bsatzigszone gsii, wu si as Noofolgbartei vum Landesverband Bade vu dr Dytsche Demokratische Bartei (DDP) verstande het. Zue irem Vorsitzerv sich dr ehmolig DDP-Bolitiker un Oberburgermaischter im Amt vu dr Stadt Lohr, dr Paul Waeldin, gwehlt wore. Anderi Fierigsmitglider vu dr Bartei sin di friejere DDP-Mitglider Wilhelm Stahl, Otto Vielhauer, Friedrich Vortisch un Berthold Goldschagg gsii, Generalsekreter sich s friejer DVP-Mitglid Hans Wolf wore.

Churz no dr Grindig het dr Waeldin en Aadrag bi dr franzesische Militerregierig gstellt, ass d Bartei zuegloo wird. Die het aber gferchtet, ass dodrus e Sammelbecki us Nationalischte, Separatischte un ehmolige Nationalsozialischte wire. Ainewäg isch d Grindig vu dr Bertei Ändi Mai 1946 dur d Militerregierig gnähmigt wore.

Bi dr Wahl zur Berotende Landesversammlig am 17. Novämber 1946 sin 9 Mitglider vu dr Demokratische Bartei us dr Gmainds- un Kraisversammlige gwehlt wore. Bi dr Wahl zum Landdag am 18. Mai 1947 isch d Bartie uf 14,3 % vu dr Stimme un dodermit uf 9 Sitz im Barlemänt chuu.

Im April 1948 isch di Demokratisch Bartei in „FDP Südbaden“ umgnännt wore. Die isch derno am 19. Oktober 1952 zäme mit dr Demokratische Volksbartei (DVP) in dr FDP/DVP Bade-Wirttebärg ufgange.

Literatur

• Richard Stöss (Hrsg.): Die Parteien und die Presse der Parteien und Gewerkschaften in der Bundesrepublik Deutschland 1945–1974. München 1975, ISBN 3-7940-3223-3, S. 115.
• Jürgen Klöckler: Abendland – Alpenland – Alemannien: Frankreich und die Neugliederungsdiskussion in Südwestdeutschland 1945–1947. München 1998, ISBN 3-486-56345-9 (Volltext digital verfügbar), S. 238.

Dä Artikel basiert uff ere fräie Übersetzig vu dere Version vum Artikel „Demokratische_Partei_(Baden)“ vu de dütsche Wikipedia. E Liste vu de Autore un Versione isch do z finde.