FDP Bade-Wirttebärg
D FDP Bade-Wirttebärg isch anne 1952 entstande, wu di z Wirttebärg-Bade grindet liberal Demokratisch Volksbartei (DVP), wu dert scho syter 1948 as FDP-Landesverband fungiert ghaa het, zäme mit em FDP-Landesverband vu Bade im neie Landesverband vu dr FDP z Bade-Wirttebärg ufgangen isch. D FDP-Landesverbänd vu dr drei Länder, wu si 1952 zum Land Bade-Wirttebärg zämegschlosse hän, hän si scho 1948 organisatorisch dr FDP-Bundesbartei aagschlosse ghaa. Derwylscht d Landesbartei dr Zuesatz DVP ufgee het, fiert d Fraktion im bade-wirttebärgische Landdag allno dr Name FDP/DVP-Fraktion.
| FDP Baden-Württemberg | |||
| |||
| Vorsitzer | Michael Theurer | ||
| Stellvertreter | Gabriele Heise Pascal Kober Hans-Ulrich Rülke | ||
| Generalsekretäri | Judith Skudelny | ||
| Schatzmaischter | Michael Link | ||
| Gschäftsfierer | Jan Packebusch | ||
| Ehrevorsitzender | Jürgen Morlok | ||
| Grindigsdatum | 19. Oktober 1952 | ||
| Grindigsort | Stuegert | ||
| Hauptsitz | Rosensteinstr. 22 70191 Stuttgart | ||
| Landdagsmandat | 18/154 | ||
| Mitgliderzahl | 9.500 (Stand: 20.10.2021)[1] | ||
| Website | www.fdp-bw.de | ||
.jpg)
Organisation
ändereDr Landesverband isch in nyyn Bezirksverbänd, 42 Kraisverbänd un 252 Ortsverbänd glideret un het sy Sitz z Stuegert. Landesvorsitzer isch syt Novämber 2013 dr stellverdrättend Fraktionsvorsitzer vu dr Bundestagsfraktion Michael Theurer.
Eberscht Organ isch dr Landesbarteidag, wu draditionäll am Vordag vum Dreichenigsdräffe z Stuegert stattfindet un uf e Dradition vu dr wirttebärgische DVP bzw. vu dr mit ire verbundene Barteie zruggoht. All zwai Johr findet zuesätzli ne Barteidag im Summer statt, wu d Neiwahle vum Landesvorstand im Mittelpunkt stehn. Anderi Organe vum Landesverband sin d Landesverdrätterversammlig, dr Landeshauptuusschuss un dr Landesvorstand.
Gschicht
ändere
Di hischtorische Wurzle vu dr FDP z Bade-Wirttebärg sin äng mit dr erschte demokratische Bewegig z Dytschland verchnipft, wu vor allem us liberale Chreft zämegsetzt gsii isch. Si goht konkret bis uf di vor dr Merzrevolution abghalte Heppenemer Dagig vum 10. Oktober 1847 zrugg.
D FDP/DVP isch am 19. Oktober 1952 as Zämeschluss grindet wore vu dr Demokratische Volksbartei (DVP) vu Wirttebärg-Bade, wu s scho syter 1864 gee het, un em FDP-Landesverband z Bade, wu dert bis 1948 unter em Name Demokratischi Bartei ufdrätten isch. Erscht am 22. Februar 1953 isch au dr FDP/DVP-Landesverband vu Wirttebärg-Hauezolle bydrätte. Bis zue dr Wahl vum Thomas Kemmerich zum Diringer Minischterbresidänt am 5. Februar 2020 het d FDP/DVP mit em Reinhold Maier (z Wirttebärg-Bade un z Bade-Wirttebärg) vu 1945 bis 1953 dr ainzig liberal Minischterbresidänt in dr Bundesrepublik Dytschland gstellt. D FDP/DVP isch vu 1952 bis 1966 un vu 1996 bis 2011 Regierigsfraktion z Bade-Wirttebärg gsii. Vu 1966 bis 1996 un wider syter 2011 isch si in dr Opposition. Us em Landesverband sin wichtigi Bundesbolitiker firigange, wie zem Byschpel dr Bundesbresidänt Theodor Heuss un dr Bundesusseminischter Klaus Kinkel.
Landesvorsitzer*ne
ändere| Amtszyt | Vorsitzer*i |
|---|---|
| 1952–1964 | Wolfgang Haußmann |
| 1964–1967 | Hermann Saam |
| 1967–1971 | Hermann Müller |
| 1971–1974 | Karl Moersch |
| 1974–1978 | Martin Bangemann |
| 1978–1985 | Jürgen Morlok |
| 1985–1988 | Walter Döring |
| 1988–1990 | Friedrich-Wilhelm Kiel |
| 1990–1991 | Georg Gallus (kummissarisch) |
| 1991–1995 | Roland Kohn |
| 1995–2004 | Walter Döring |
| 2004–2013 | Birgit Homburger |
| syt 2013 | Michael Theurer |
Wahlergebnis
ändereD FDP Bade-Wirttebärg isch dr ainzig FDP-Landesverband, wu no nie an dr Fimf-Brozänt-Hurd hangebliben isch.
Landdagswahlergebnis z Bade-Wirttebärg
ändere| Ergebnis vu dr Landdagswahle[2] | |||
|---|---|---|---|
| Johr | Stimme | Sitz | |
| 1952 | 18,8 % | 23 | |
| 1956 | 16,6 % | 21 | |
| 1960 | 15,8 % | 18 | |
| 1964 | 13,1 % | 14 | |
| 1968 | 14,4 % | 18 | |
| 1972 | 8,9 % | 10 | |
| 1976 | 7,8 % | 9 | |
| 1980 | 8,3 % | 10 | |
| 1984 | 7,2 % | 8 | |
| 1988 | 5,9 % | 7 | |
| 1992 | 5,9 % | 8 | |
| 1996 | 9,6 % | 14 | |
| 2001 | 8,1 % | 10 | |
| 2006 | 10,7 % | 15 | |
| 2011 | 5,3 % | 7 | |
| 2016 | 8,3 % | 12 | |
| 2021 | 10,5 % | 18 | |
Bundesdagswahlergebnis z Bade-Wirttebärg
ändere| Bundesdagswahlergebnis[3] | ||||
|---|---|---|---|---|
| Johr | Stimmenaadail | Sitz | ||
| 1949 | 18,2 %1/15,3 %2 | 71/12 | ||
| 1953 | 12,7 % | 9 | ||
| 1957 | 14,4 % | 11 | ||
| 1961 | 16,6 % | 12 | ||
| 1965 | 13,1 % | 10 | ||
| 1969 | 7,5 % | 6 | ||
| 1972 | 10,2 % | 8 | ||
| 1976 | 9,1 % | 7 | ||
| 1980 | 12,0 % | 9 | ||
| 1983 | 9,0 % | 7 | ||
| 1987 | 12,0 % | 9 | ||
| 1990 | 12,3 % | 10 | ||
| 1994 | 9,9 % | 8 | ||
| 1998 | 8,8 % | 7 | ||
| 2002 | 7,8 % | 6 | ||
| 2005 | 11,9 % | 9 | ||
| 2009 | 18,8 % | 15 | ||
| 2013 | 6,2 % | – | ||
| 2017 | 12,7 % | 12 | ||
| 2021 | 15,3 % | 16 | ||
1Wirttebärg-Bade
2Wirttebärg-Hauezollre
Stammland vu dr FDP
ändereWäg dr greßere Sterki vu dr FDP im Verglych zum Bundesdurschnitt un wäg dr historische Bedytig vum Liberalismus in dr Landesdail wird Bade-Wirttebärg au s „Stammland vu dr FDP“ gnännt. Des wird unterstriche dur s traditionäll Dreichenigsadräffe vu dr Bartei, wu all Johr am 6. Jänner z Stuegert stattfindet, wu hit as bolitische Johresuftakt vu dr Liberale mit ere bundesbolitische Bedytig giltet.
Landdagsfraktion
ändereD FDP/DVP-Fraktion im bade-wirttebärgische Landdag bstoht syt dr Landdagswahl 2021 us 18 Abgordnete. Fraktionsvorsitzer isch dr Hans-Ulrich Rülke.
Literatur
ändere- Jörg Brehmer, Jan Havlik, Jochen Merkle (Bearb.): Südwest-Liberalismus. Dokumente aus sieben Jahrzehnten. Ein liberales Lesebuch, Reinhold-Maier-Stiftung, Stuttgart 2015.
- Edmund Ortwein: Die Liberalen. In: Michael Eilfort (Hrsg.): Parteien in Baden-Württemberg (= Schriften zur politischen Landeskunde 31). Verlag W. Kohlhammer in Verbindung mit der Landeszentrale für Politische Bildung Baden-Württemberg, Stuttgart 2004, ISBN 3-17-017849-0, S. 105–123.
- Beate-Carola Padtberg (Bearb.): Liberale im Südwesten seit 1945. Ein Lesebuch zum 50jährigen Bestehen der FDP/DVP in Baden-Württemberg, Reinhold-Maier-Stiftung, Konstanz 1995, ISBN 3-89351-094-X.
- Paul Rothmund, Erhard R. Wiehn (Hrsg.): Die FDP/DVP in Baden-Württemberg und ihre Geschichte. Liberalismus als politische Gestaltungskraft im deutschen Südwesten (= Schriften zur politischen Landeskunde Baden-Württembergs 4). Kohlhammer, Stuttgart u. a. 1979, ISBN 3-17-004680-2.
Fueßnote
ändere- ↑ Michael Theurer: Pressemitteilung. (PDF; 1,1 MB) In: fdpbw.de. Abgruefen am 20. Oktober 2021.
- ↑ Ergebnisse der Landtagswahlen in Baden-Württemberg
- ↑ Ergebnisse der Bundestagswahlen (Memento vom 9. Juli 2013 im Internet Archive)
Weblink
ändere
Commons: FDP Bade-Wirttebärg – Sammlig vo Multimediadateie
|
Dä Artikel basiert uff ere fräie Übersetzig vu dere Version vum Artikel „FDP_Baden-Württemberg“ vu de dütsche Wikipedia. E Liste vu de Autore un Versione isch do z finde. |