Diskussion:Mundartforum

Zeitschrift SchweizerDeutsch

Sit em Jaar 2009 gits d Ziitig SchweizerDeutsch, usege vom Prof. Dr. Ruedi Schwarzebach, mit eme grüene Umschlag. S Gäld isch immer es Problem debi. Drum händs am Bott vo de Gruppe Züri im Frühlig 2013 gsait, es seg dän fertig demit das Jaar. Me ghörts dän a de Jaaresversamlig vom 16. Novämber 2013.

Teeschmid (Diskussion) 23:50, 1. Sep. 2013 (MESZ)

A d Jaaresversamlig hani nöd chöne go lose. Aber hine uf em Numero 3/13, won i im Januar übercho ha, statt düütsch und tüütli: MIT DIESER NUMMER ERSCHEINT DIE ZEITSCHRIFT ZUM LETZTEN MAL . De Dachverband söll au grad uufgobe wèrde. Das schriib i grad in Artikel. Teeschmid (Diskussion) 16:16, 4. Feb. 2014 (MEZ)

Des isch e druurigi Nochricht. Dää Verain het doch grad mit dr Biecher Grammatiken und Wörterbücher des Schweizerdeutschen in allgemeinverständlicher Darstellung vyl due fir s Alemannisch. --Holder (Diskussion) 16:46, 4. Feb. 2014 (MEZ)

Ich glaube, me hät z hööch obe n use welle mit däre Ziitig und au susch. «Wikipedia?!? nai, mit söttigem mached me nüüt!» Teeschmid (Diskussion) 16:54, 4. Feb. 2014 (MEZ)

Het des wirkli emol eber gsait bim Verein Schweizerdeutsch iber d Wikipedia? --Holder (Diskussion) 18:05, 4. Feb. 2014 (MEZ)

Ja, de Obmä vo de Gruppe Züri annere Vorstandssitzig. De Vize - wo Obmä vom Dachverein isch - isch glaub i au debii gsii. Ich han i de Wäbsitene en Link uf Dieth-Schreibung ghaa - sötigs hebi me dänn nöd nöötig, häts gheisse. --Teeschmid (Diskussion) 11:14, 7. Apr. 2014 (MESZ)

Websiite

Mit de Websiite vom Verain isch es so ne Sach. Es git verschiedeni.

• www.schweizerdeutsch.org vo öppe 2000 - 2003;
• www.spraach.ch, wo zeerscht für de Dachverein dänkt gsi isch, aber sit 2011 nöi gmacht isch, nu no für d Gruppe Züri da isch;
• www.zürich-deutsch.ch, sit 2009, wo für Gruppe Züri gmacht gsi isch, aifach uf www.spraach.ch/zuerich zeiget hät. Aber jetzt genau s gliich isch, wie www.spraach.ch;

" www.zeitschriftschweizerdeutsch.ch, wo äigetli für d Ziitig SchweizerDeutsch da isch, aber doch au es bizeli für de Dachverein. Die zeiged au uf www.spraach.ch/zuerich, wo nu no en 404 not found git;

• www.ch-dt.ch, wo aifach uf www.zeitschriftschweizerdeutsch.ch wiiterlaitet;
• www.zuerichdeutsch-kurse.ch, wo aigentli zur Gruppe Züri ghöört, aber chum rächt aaghänkt isch.
• www.baernduetsch-verein.ch, wo s sit 2009 git.

Teeschmid (Diskussion) 23:49, 1. Sep. 2013 (MESZ)

Bott ?

Im Zämehang mit ere Versammlig hani s Wort «Bott» no nie ghört. Was isch da gnau? Ober mit welem Wort chönnt me das umschriibe - vergliiche? Gruess --Schofför (Diskussion) 23:06, 4. Feb. 2014 (MEZ)

Lueg Idiotikon Bott II, 4) Zunftversammlung, Hauptversammlung der Zünfte (in der Spalte 1895, unte). Ich nimm aa, dr Verein Schweizerdeutsch het des veraltet Wort uusgrabe un brucht fir syni Johreshauptversammlig. --Holder (Diskussion) 05:49, 5. Feb. 2014 (MEZ)

Oh, intressant! Danke för de Tip mit em Idiotikon. Gruess --Schofför (Diskussion) 10:33, 5. Feb. 2014 (MEZ)

Ja, d Gruppe Züri brucht s Woort Bott sit Jaar und Taag. Und es seg sächlich, das Bott. Chöm vo Wöörter wie (hoochtüütsch) das Angebot, bi ere Versteigerig. Oder grad e Zahligsuufforderig. Es git s Woort au männlich, der Bott - für de Kirchenboten (e Zittig). Und dänn no: Hauptversammlung bruched me i de Schwiiz chuum, au im Schwiizer Hoochtüütsch nöd.--Teeschmid (Diskussion) 11:35, 7. Apr. 2014 (MESZ)

Bi dr groosse diitschspraachige Wikischweschter gids gar en Artikel drzue. --B.A.Enz (Diskussion) 23:49, 7. Apr. 2014 (MESZ)

Extärni Link gänderet

Sali Mitautore,

Ich haa 2 extärni Link uf Mundartforum gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

• s Archiv https://web.archive.org/web/20180814025539/http://www.baernduetsch-verein.ch/ in http://www.baernduetsch-verein.ch/ yygfiegt
• s Archiv https://web.archive.org/web/20180814025539/http://www.baernduetsch-verein.ch/ in http://www.baernduetsch-verein.ch/ yygfiegt

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 23:24, 19. Feb. 2021 (MEZ)