Diskussion:Regionen des Kantons Neuenburg

de Benutzer Tschubby hät, „in weiser Voraussicht“, bereits am 27. Oktober 2009 die Charte zaichnet

nöji Regione ?

I han i däm Artikel scho am 2. Mai 2018 s Wort „nöi“ usegno, wili do scho niene Beleg gfunde ha för die nöi Erfindig vo däne Regione im Kanton Nöieburg. Wäni d Versionsgschicht vom Artikel Bezirk (Schweiz) aaluege, so gsieni, as de Benutzer Senna am 4. Juli 2006 voruusgsie hät, as es ab em 1. Jänner 2018 im Kanton Nöieburg emol söttegi Regione wörd gee. Vilicht hät er em Benutzer Weiacher Geschichte(n) abgschribe, wo bereits am 14. April 2004 uf de de-Wiki devoo brichtet hät.

En witere Punkt, wo mer i däm Zämehang Müe macht, stoht im Artikel Kanton Neuenburg under „Organisazioon“; «Sider sind die einzelne politische Gmeinde vom Kanton diräkt de Kantonsbehörde understellt.» Stohts würkli so schlächt um die Gmeinde, as me si mues de kantonale Behörde understelle? Da passiert doch im Normalfall nu dänn, wänn si mit em eigne Budget nöd sälber zschlaag chömed.

Und no de letscht Punkt för hüt; im Artikel Region Littoral häts en Weblink uf littoralregion.ch – me chönnt meine, as da die ofiziell Website vo de (administrative) Region wär. Da isch noch minere Meinig (nu) es Regionalblättli, wo zwor praktisch jedi Wuche usechunnt, aber nöd umbedingt i dä Artikel ine ghört. Gruess --Schofför (Diskussion) 23:38, 9. Feb. 2019 (MEZ)