Doris De Agostini

Doris De Agostini
Nation	Schweiz Schwiz
Geburtstag	28. April 1958
Geburtsort	Airolo, Schwyz
Stärbedatum	22. Novämber 2020
Karriere
Disziplin	Abfahrt, Kombination
Status	gstorbe
Karriereänd	1983
Medallienspiegel
Alpini Skiwältmeischterschafte Bronze Garmisch-Partenk. 1978 Abfahrt
Platzierige im alpine Skiwältcup
Wältcupsiig 8  Gsamtwältcup 10. (1982/83)  Abfahrtswältcup 1. (1982/83)  Kombinationswältcup 31. (1982/83)
Podiumsplatzierige 1. 2. 3.  Abfahrt 8 7 4

D Doris De Agostini-Rossetti (* 28. April 1958 z Airolo as Doris De Agostini; † 22. Novämber 2020) isch e Schwyzer Schyyrännefahreri gsii.

Lääbe

D Doris De Agostini het ire erscht Wältcupsiig in eme Neischneeränne anne 1976 bi dr Silberkrugrennen z Bad Gastein gwunne. S isch fimf Johr lang gange, vorbe si bim Goldschlüsselränne z Schruns wider en Erfolg in ire Spezialdisziplin Abfahrt het chenne fyyre.

In dr Saison 1980/81 un 1981/82 isch si baidi Mol uf dr zweet Blatz im Abfahrtswältcup (hinter dr Marie-Theres Nadig bzw. dr Marie-Cécile Gros-Gaudenier) chuu. In dr Saison 1982/83 het si dr Abfahrtswältcup gwunne. Si het insgsamt acht Wältcupränne gwunne un si in 25 andere Ränne unter dr erschte Zehni klassiert.

Bi dr Schyy-Wältmaischterschaft 1978 z Garmisch-Partenkirchen isch si Dritti in dr Abfahrt wore, hinter dr Annemarie Moser-Pröll un dr Irene Epple. Ändi Saison 1982/83 het si noch em fimfte Blatz in dr Abfahrt vu Mont-Tremblant ire Ruggdritt vum Spitzesport verchindet. Si isch in däm Johr zur Schwyzer Sportleri vum Johr gwehlt wore.

D De Agostini isch mit em Yyshockeyspiiler Luca Rossetti ghyrote gsii, mit ihm het si zwai Chinder ghaa.

Erfolg

Wältmaischterschafte

• Garmisch-Partenkirchen 1978: 3. Abfahrt
• Schladming 1982: 7. Abfahrt

Wältcupwärtige

D Doris De Agostini het aimol d Disziplinewärtig in dr Abfahrt gwunne.

Saison	Gsamt		Abfahrt		Kombination
	Blatz	Pinkt	Blatz	Pinkt	Blatz	Pinkt
1975/76	24.	25	11.	25	–	–
1976/77	28.	15	12.	15	–	–
1977/78	14.	37	5.	51	–	–
1978/79	42.	33	16.	33	–	–
1979/80	21.	42	8.	47	–	–
1980/81	13.	110	2.	110	–	–
1981/82	16.	84	2.	84	–	–
1982/83	10.	96	1.	106	31.	1

Wältcupsiig

Datum	Ort	Land	Disziplin
21. Januar 1976	Bad Gastein	Eschtrych	Abfahrt
12. Januar 1981	Schruns	Eschtrych	Abfahrt
28. Januar 1981	Megève	Frankrych	Abfahrt
19. Dezember 1981	Saalbach-Hinterglemm	Eschtrych	Abfahrt
14. Februar 1982	Arosa	Schwyz	Abfahrt
7. Dezember 1982	Val-d’Isère	Frankrych	Abfahrt
14. Januar 1983	Schruns	Eschtrych	Abfahrt
29. Januar 1983	Les Diablerets	Schwyz	Abfahrt

Weblink

• Doris De Agostini in dr Datebank vum Internationale Skiverband FIS (änglisch)
• Doris De Agostini bei Ski-db (englisch)
• Doris De Agostini in dr Datebank vu Sports-Reference.com (änglisch)
• Filippini e Cattaneo campioni al Nara. Si affaccia la De Agostini uf lanostrastoria.ch/entries/

Fueßnote

Dä Artikel basiert uff ere fräie Übersetzig vu dere Version vum Artikel „Doris_De_Agostini“ vu de dütsche Wikipedia. E Liste vu de Autore un Versione isch do z finde.