Douce Steiner
D Douce Steiner (* 10. Juni 1971 z Stuegert) isch e dytschi Chechi.
Lääbe un Wirke
ändere
D Douce Steiner isch d Dochter vum Gaschtronom Hans-Paul Steiner un dr Claude Steiner, ere Franzesi. Si het bi irem Vater d Lehr as Chechi gmacht, wu anne 1980 s Hotel un Reschtaurant „Hirsche'“ z Sulzburg ufgmacht ghaa het. Derno isch si zum Georges Blanc z Vonnas gange, wu si di ainzig Frau unter 45 männlige Kollege gsii isch.[1] Si isch nocherdani zum Fritz Schilling in d Schweizer Stube z Wärde gange. Uf ire Stazion bim Harald Wohlfahrt in dr Schwarzwaldstube z Baierschbronn het si ire spetere Mann Udo Weiler (* 1969) chänneglehrt. Anne 1997 het si mit em Weiler zäme d Hotelfachschule Haidelberch absolviert.
Ab 1998 het si mit irem Mann Udo Weiler[2] un irem Vater im Hirsche z Sulzburg gchocht,[3] wu zwische 1995 un 2008 mit zwee Michelin-Stärn uuszaichnet gsii isch.[4]
Anne 2008 het si s Huus vu irem Vater ibernuu. S Reschtaurant isch im Michelin 2012 wider mit zwee Stärn uuszaichnet wore.[5] Anne 2023 het si as erschti Frau d Uuszaichnig as Chechi vum Johr vu dr dytsche Uusgab vum Reschtaurantfierer Gault&Millau kriegt.[6]
Uuszaichnige
ändere- 2012: Ufstygeri vum Johr, Gault-Millau
- Syt 2012: Zwee Stärn im Guide Michelin fir s Reschtaurant Hirsche[7]
- 2022: Vier schwarzi Huube im Gault-Millau fir s Reschtaurant Hirsche[8]
- 2023: Chechi vum Johr, Gault-Millau[9]
Schrifte
ändere- Cuisine Douce. Sterneküche für zuhause, AT Verlag, Baden 2008, ISBN 978-3-03-800402-8.
- Meine leichte Küche. Cuisine Douce, AT Verlag, Aarau 2011, ISBN 978-3-03800-521-6.
- Meine liebsten Desserts. Cuisine Douce, AT Verlag, Aarau und München 2013, ISBN 978-3-03800-722-7.
- Douce. Unsere verrückte Gemüsewelt, Freiburg 2014, ISBN 978-3-9815555-3-0.
Weblink
ändere- Aigeni Websyte
- Jakob Strobel y Serra: Die junge Milde. In: FAZ vom 22. Juni 2014
- Jürgen Dollase: "Das besondere Restaurant" In der FAZ vom 21. März 2017
- Douce Steiner in den Restaurant-Ranglisten
Fueßnote
ändere- ↑ Jakob Strobel y Serra: Köchin Douce Steiner: Die junge Milde. In: FAZ.NET. ISSN 0174-4909 (faz.net [abgerufen am 24. Juni 2018]).
- ↑ Das besondere Restaurant : Ein kulinarischer Glücksfall. In: FAZ.NET. ISSN 0174-4909 (faz.net [abgerufen am 24. Juni 2018]).
- ↑ Douce Steiner, Chef de Cuisine im Hirschen in Sulzburg. Abgruefen am 24. Juni 2018.
- ↑ WELT: "Erster Stern? Es war ein Ritterschlag!": Douce Steiner. In: DIE WELT. 1. März 2009 (welt.de [abgerufen am 24. Juni 2018]).
- ↑ Hirschen – ein Guide MICHELIN Restaurant in Sulzburg. Abgruefen am 14. Juni 2020 (de-DE).
- ↑ Gault&Millau 2023 | Restaurant Ranglisten. Abgruefen am 19. Juni 2023 (de-DE).
- ↑ Hirschen. Abgruefen am 21. Juni 2022.
- ↑ Jakob Strobel y Serra: Gault & Millau 2022: Der Restaurantführer probt die Revolution. In: FAZ.NET. (faz.net [abgerufen am 21. Juni 2022]).
- ↑ Gault&Millau 2023 | Restaurant Ranglisten. Abgruefen am 19. Juni 2023 (de-DE).